បរទេសៈ បញ្ហាស្លេកក្នុងសួត ឬអាការក្អក អាចបណ្តោលឲ្យអ្នកគេងមិនបានគ្រប់គ្រាន់ ហើយអាចប៉ះពាល់ដល់សុខភាពយ៉ាងខ្លាំង។ ជាពិសេសចំពោះកុមារ ប្រសិនបើឱពុកម្តាយបណ្តែតបណ្តោលយូរមិនព្រមប្រពាប់ព្យាបាលទេនោះ អាចគ្រោះថ្នាក់ដល់ផ្លូវដង្ហើម។

តើមានវិធីអ្វីអាចដោះស្រោយបញ្ហានេះបានទៅ? ក្រៅពីថ្នាំពេទ្យ អ្នកអាចប្រើប្រាស់ខ្ញីផ្សំជាមួយនឹងសមាសធាតុផ្សេងទៀត។ ឱសថមួយប្រភេទនេះ មិនត្រឹមតែមានប្រសិទ្ធភាពប៉ុណ្ណោះទេ ថែមទាំងគ្មានផលអវិជ្ជមានចំពោះរាងកាយឡើយ។

របស់ដែលអ្នកត្រូវការ៖
– ខ្ញីស្រស់ ឬម្សៅខ្ញីចំនួន ១ស្លាបព្រា
– ទឹកឃ្មុំ
– ប្រេងអូលីវ
– ម្សៅស្រូវសាឡី
– ក្រណាត់ ឬកន្សែងតូចមួយ
– បង់ស្អិត

ការអនុវត្ត៖
– ដំបូងត្រូវលាយទឹកឃ្មុំ និងម្សៅស្រូវលាឡីឲ្យសព្វល្អ។
– ចាក់ប្រេងអូលីវចូលបន្តិច រួចបន្លែមខ្ញីលាយបញ្ចូលគ្នាម្តងទៀត។
– ផ្ទេរល្បាយទៅលើកន្សែង ហើយបិទនៅលើដើមទ្រូងកុមារ។
– ចុងក្រោយត្រូវយកបង់ស្អិតបិទជុំវិញ ដើម្បីកុំឲ្យរបូតចេញ។
ក្
នុងករណីដែលអ្នករុំឱសថនេះចំពោះក្មេង គួរតែរុំរយៈពេលប្រហែលជា ៣ម៉ោងមុនពេលចូលគេបានហើយ ព្រោះស្បែកកុមារនៅខ្សោយ អាចមានបញ្ហារលាក។

ចំពោះមនុស្សពេញវ័យវិញអាចរុំពេញមួយយប់ ប៉ុន្តែអ្នកត្រូវដឹងថា ការរុំខ្ញីនេះអាចធ្វើឲ្យអ្នកបែកញើសច្រើន៕