ភាគច្រើន បញ្ហាប្រេះកែងជើងកើតមានក្នុងអំឡុងពេលអាកាសធាតុក្តៅ ហើយប្រសិនបើមានអាការធ្ងន់ធ្ងរអាចបណ្តោយឲ្យមានការឈឺចាប់ ព្រមទាំងឆ្លងរោគថែមទៀត។ ប៉ុន្តែបើយោងតាមគេហទំព័រ myfitmagazine បានបង្ហាញថា បញ្ហាមួយនេះអាចដោះស្រាយបាន ដោយមិនចាំបាច់ចំណាយប្រាក់ទិញផលិតផលថ្លៃៗនោះឡើយ។
ធាតុផ្សំ៖
- ម្សៅសូដា ៣ស្លាបព្រាបាយ (baking soda)
- ទឹកដោះគោស្រស់ ៤ពែង
ការអនុវត្ត:
- លាយធាតុផ្សំទាំងពីរមុននេះបញ្ចូលគ្នាឲ្យសព្វល្អ
- បន្ទាប់មកចាក់ចូលទៅក្នុងចានដែកធំល្មមដែលអាចត្រាំជើងបាន
- ដាក់ជើងរបស់អ្នកត្រាំក្នុងល្បាយនេះរយ:ពេល ១០នាទី ទើបលាងជម្រះជាមួយនឹងទឹកធម្មតា។
គ្រាន់តែប្រើល្បាយនេះជាលើកដំបូងអ្នកនឹងមានអារម្មណ៍ប្លែក ដោយសារតែស្នាមប្រេះចាប់ផ្តើមព្យាបាល ប៉ុន្តែសូមបន្តប្រើជារៀងរាល់ពេលល្ងាច៕
មតិយោបល់