ថ្វីបើបញ្ហាក្លៀកមានក្លិនស្អុយ ហើយខ្មៅស្រអាប់មិនមានគ្រោះថ្នាក់ដល់សុភាពក៏ដោយ ប៉ុន្តែវាជាក្តីអាម៉ាសមួយ ជាពិសេសមនុស្សស្រីតែម្តង។ ដូច្នេះ ដើម្បីកម្ចាត់បញ្ហានេះ អ្នកពុំចាំបាច់ខំដើររកថ្នាំឯណាឆ្ងាយនោះទេ គ្រាន់តែអនុវត្តតាមវិធីបែបបុរាណ ៣យ៉ាងនេះ ក៏អាចសម្រេចដូចបំណងដែរ។

១.ប្រើប្រាស់ក្រូចឆ្មារ
ក្រោយពេលងូទឹករួច សូមប្រើក្រូចឆ្មារស្រស់ៗមួយចំណិត មកត្រដុសនៅក្នុងក្លៀក ហើយរងចាំ ១៥នាទី ទើបលាងសម្អាតចេញ។ អនុវត្តទៀងទាត់មួយថ្ងៃម្តង មិនយូរទេអ្នកនឹងឃើញពីប្រសិទ្ធភាព។

២.ស្លឹកជីអង្កាម
យកស្លឹកជីអង្កាម ១០មីលីក្រាម ទៅលាងទឹកឲ្យស្អាត រួចបុកឲ្យម៉ត់។ បន្ទាប់មកលាបនៅក្រោមក្លៀក ១៥ ទៅ២០នាទី ទើបលាងសម្អាតចេញ។ អនុវត្តមួយថ្ងៃម្តង រយ:ពេល ១០ថ្ងៃ អ្នកនឹងចាប់ផ្តើមឃើញប្រសិទ្ធភាពបណ្តើរៗ។

៣.ស្លឹកតែបៃតង
ស្លឹកតែបៃតង ៥ក្រាម និងខ្ញីស្រស់១ចំណិត យកទៅដាំទឹកឲ្យពុះ រួចលើកចុះឲ្យត្រជាក់។ យកទឹកនេះលាបក្រោមក្លៀកមួយថ្ងៃ ២ដង ហើយក្នុងរយ:ពេល ១០ថ្ងៃ អ្នកនឹងឃើញលទ្ធផល។

ចំណាំ៖ ក្រៅពីវិធីទាំងប៉ុន្មាននៅខាងលើនេះ ដើម្បីកាត់បន្ថយក្លិនខ្លួនអាក្រក់ អ្នកគួរតែលាងសម្អាតក្លៀកជាមួយនឹងសាប៊ូកម្ចាត់បាក់តេរីជាប្រចាំ ហើយឆាប់ប្តូរអាវចេញនៅពេលបែកញើសច្រើន។ លើសពីនេះ អ្នកគួរតែកំណត់អាហារមួយចំនួនដូចជា ម្ទេស ខ្ទឹមស ខ្ទឹមបារាំង… ព្រោះវាក៏អាចធ្វើឲ្យអ្នកមានក្លិនខ្លួនមិនល្អដែរ៕