អាមេរិកៈក្មេងស្រីអាយុ១២ ឆ្នាំម្នាក់ត្រូវបានសម្លាប់បន្ទាប់ពីគ្រោះថ្នាក់ពាក់ព័ន្ធនឹង រថយន្តមួយគ្រឿង ដែលបណ្តាលឱ្យ ផ្នែកមួយនៃស្ពាននៅក្រុងSealy រដ្ឋ Texas មួយ ធ្លាក់ចុះមកលើរថយន្ តដែលនាងកំពុងធ្វើដំណើរ។នេះបើយោងតាមសារព័ត៌មានសិនហួ ចុះផ្សាយនៅថ្ងៃទី០៨ ខែកក្កដានេះ។

យោងតាមស្ថានីយ៍ទូរទស្សន៍ ABC ប៉ុស្តិ៍លេខ១៣ក្នុងស្រុក បានរាយការណ៍ថា នេះគ្រោះថ្នាក់នេះ បានកើតឡើងនៅប្រហែលម៉ោង១០ព្រឹក(ម៉ោងក្នុងស្រុក)នៅពេលដែលបន្ទះរនាំងបាំងស្ពានធំមួយ ត្រូវបានរថយន្តដឹកទំនិញមួយគ្រឿងធ្វើឲ្យបាក់ធ្លាក់មកលើរថពណ៌ស បណ្តាលឲ្យបាត់ជីវិតក្មេងស្រីអាយុ១២ឆ្នាំម្នាក់ និងស្ត្រីបើកបររងរបួសធ្ងន់ត្រូវបញ្ជួនទៅមន្ទីពេទ្យ៕