ចិន: ប៉ូលិសក្នុងតំបន់ស្វយ័ត Guangxi Zhuang ភាគខាងត្បូងប្រទេសចិន បានចាប់ខ្លួនជនសង្ស័យព្រហ្មទណ្ឌចំនួន ១៨៣នាក់នៃក្រុមក្មេងទំនើងដើររៃអង្គាសលុយខុសច្បាប់។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅថ្ងៃទី០៦ សីហា ឆ្នាំ២០១៦នេះ។
ការិយាល័យសន្តិសុខសាធារណ:ក្រុង Qinzhou បាននិយាយកាលពីថ្ងៃសុក្រថា ក្រោមការបន្លំខ្លួននៃការអភិវឌ្ឍភាគខាងលិច ក្រុមក្មេងទំនើងទាំងនេះ បានរៀបចំដំណើរកម្សាន្តមួយថ្ងៃទៅកាន់ទីក្រុង Qinzhou, ណាននីង និងក្រុង Fangchenggang ក្នុងខេត្ត Guangxi ក្នុងគោលបំណងដើម្បីបញ្ចុះបញ្ចូលជនរងគ្រោះឲ្យចូលរួមក្នុងសកម្មភាពរបស់ពួកគេ ក្នុងការដើររៃអង្គាសលុយ។
ការិយាល័យនេះបាននិយាយថា គម្រោងផែនការលក់ពីរ៉ាមីតពាក់ព័ន្ធនឹងមនុស្សចំនួន ៣.០០០នាក់ និងទំហំទឹកប្រាក់ ៧៦០លានយន់ ស្មើនឹង ១១៤លានដុល្លារសហរដ្ឋអាមេរិក។ ហើយមន្ត្រីប៉ូលិសជិត ៥០០នាក់បានវាយឆ្មក់នៅតាមបណ្តា ៦៦ទីតាំងនៅក្នុងខេត្តហឺណាន ខេត្តក្វាងទុងនិងក្វាងស៊ី។
សូមបញ្ជាក់ថា សមាជិកក្រុមអន្ធពាលបងធំចំនួន ២៥នាក់ ក្នុងចំណោមអ្នកដែលត្រូវបានចាប់ខ្លួន និងគណនីធនាគាររបស់ក្រុមនេះ ដែលមានទឹកប្រាក់ជាង ១០លានយ័នត្រូវបានបង្កកទុក។ រីឯរថយន្តប្រណីតចំនួន ៨គ្រឿងត្រូវបានរឹបអូសផងដែរ។ ដោយឡែក ការស៊ើបអង្កេតនឹងត្រូវធ្វើបន្តទៀត៕
មតិយោបល់