Post News Media ព័ត៌មានអន្តរជាតិ ភរិយារបស់​អតី...

ភរិយារបស់​អតីត​នាយករដ្ឋមន្ត្រី​ម៉ាឡេស៊ី ​ត្រូវបាន​សាកសួរ​ដោយ​ភ្នាក់ងារ​ប្រឆាំង​អំពើពុករលួយ

ម៉ាឡេស៊ី: លោកស្រី Rosmah Mansor ភរិយា​របស់​អតីត​នាយករដ្ឋមន្ត្រី​ម៉ាឡេស៊ី​លោក Najib Razak នៅថ្ងៃពុធនេះ ត្រូវបានសាកសួរជាថ្មីម្ដងទៀត ដោយ​ភ្នាក់ងារ​ប្រឆាំង​អំពើពុករលួយ នៅឯទីស្នាក់ការកណ្តាលក្នុងទីក្រុង Putrajaya។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២៦ ខែកញ្ញា ឆ្នាំ២០១៨។

ដោយលោកស្រី ត្រូវបានកោះហៅដោយគណ:កម្មាធិការប្រឆាំងអំពើពុករលួយម៉ាឡេស៊ី (MACC) ដើម្បីធ្វើការសាកសួរពាក់ព័ន្ធនឹងសំណុំរឿង​អំពើពុករលួយ​នៅឯ​ក្រុមហ៊ុន​មូលនិធិ​អភិវឌ្ឍន៍​រដ្ឋ​ម៉ាឡេស៊ី 1MDB ។​

​ការសាកសួរ​នេះ ​កើតឡើង​ចំពេល​មានការ​ចង្អុល​បង្ហាញថា បទចោទប្រកាន់ថ្មី​បន្ថែមទៀត​ អាច​ត្រូវបាន​ធ្វើឡើង​នៅក្នុង​ការស៊ើបអង្កេតមួយនេះ​ ជុំវិញវិធីសាស្ត្រដែលធ្វើឲ្យ​ប្រាក់​រាប់ពាន់​ដុល្លារ ​ត្រូវបាន​បាត់​ពី​ក្រុមហ៊ុន 1MDB​។​

​លោកស្រី​ Rosmah បានមក​ដល់​ការិយាល័យ​កណ្តាល​របស់​គណ:កម្មការ​ប្រឆាំង​អំពើពុករលួយ​ម៉ាឡេស៊ី (MACC) វេលាម៉ោង​ប្រហែល ១០ ព្រឹក ដែល​អមដោយ​ក្រុម​មេធាវី​របស់លោកស្រី និង​មើលទៅ​មានទឹក​មុខមាំ​ណាស់​៕