អារ៉ាប៊ីសាអូឌីត: ចំពេលដែលភ័ស្តតាងកាន់តែច្រើនឡើង ទាក់ទងនឹងព្រះអង្គ Mohammed bin Salman ទៅនឹងការសង្ស័យពីការធ្វើឃាតលោក Jamal Khashoggi អ្នកកាសែត និងអ្នកប្រឆាំងនៃប្រទេសអារ៉ាប៊ីសាអូឌីត ដែលបានបាត់ខ្លួនកាលពី២សប្តាហ៍មុន នៅក្នុងស្ថានកុងស៊ុលប្រទេសរបស់លោក នៅក្នុងទីក្រុងអ៊ីស្តង់ប៊ុល ការភ័យខ្លាចរបស់ព្រះអង្គថា នឹងចូលទីវង្គតមុនការសម្រេចជោគជ័យលើគោលដៅនោះ អាចក្លាយទៅជាទំនាយ។
ទន្ទឹមនឹងករណីនេះ គេសង្កេតឃើញថា ក៏មានបញ្ជីឈ្មោះរបស់ពាណិជ្ជករធំៗ និងរដ្ឋាភិបាលជាច្រើន បានធ្វើការដកខ្លួនចេញពីសន្និសីទវិនិយោគទុន ដែលគ្រោងឡើងនៅសប្តាហ៍ក្រោយ ក្នុងរាជធានីរីយ៉ាដផងដែរ។
ដោយពួកអ្នកវិភាគទាំងនោះ បាននិយាយថា ការសន្យារបស់ព្រះអង្គម្ចាស់រាជទាយាទ Mohammed bin Salman ដើម្បីចាប់ផ្តើមស្ថាបនាប្រទេសអារ៉ាប៊ីសាអូឌីតថ្មីមួយ ហើយនិងធ្វើឲ្យព្រះរាជាណាចក្រអភិរក្សនិយមនេះ ក្លាយជារដ្ឋទំនើបមួយ ឥឡូវនេះ ហាក់ដូចជាកំពុងស្ថិតក្នុងស្ថានភាពគ្រោះថ្នាក់បំផុត។
សូមជំរាបថា សន្និសីទវិនិយោគទុននាសប្តាហ៍ក្រោយ ដែលគេឲ្យឈ្មោះថា «កិច្ចផ្តួចផ្តើមនៃការវិនិយោគទុនពេលអនាគត» ត្រូវបានរៀបចំឡើងដោយព្រះអង្គម្ចាស់រាជទាយាទ មានគោលបំណងកាត់បន្ថយការពឹងផ្អែករបស់អារ៉ាប៊ីសាអូឌីតលើប្រេង ហើយនិងផ្តល់ការងារថ្មីៗ ក្នុងផ្នែកនានាដែលមិនពាក់ព័ន្ធនឹងឥន្ធន:ហ្វូស៊ីល ដែលប្រទេសនេះ កំពុងពឹងផ្អែក៕
មតិយោបល់