អាមេរិក: ក្រសួងការបរទេសអាមេរិក បាននិយាយថា រដ្ឋាភិបាលខ្លួនមានផែនការធ្វើរួមគ្នា ដើម្បីបើកកិច្ចប្រជុំកំពូលពិភពលោក ដែលនឹងពិភាក្សាលើអ៊ីរ៉ង់ និងប្រទេសមជ្ឈឹមបូព៌ា នាខែក្រោយ នៅប្រទេសប៉ូឡូញ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១២ ខែមករា ឆ្នាំ២០១៩។

សេចក្តីថ្លែងការណ៍នេះ បានឲ្យដឹងកាលពីថ្ងៃសុក្រថា ការជួបជុំជាអន្តរជាតិ នឹងប្រព្រឹត្តទៅនៅទីក្រុង Warsaw នៅថ្ងៃទី ១៣ ដល់ថ្ងៃទី ១៤ ខែកុម្ភ:ខាងមុខ។

ដោយរដ្ឋមន្ត្រីការបរទេសអាមេរិកលោក Mike Pompeo បានប្រាប់សារព័ត៌មាន Fox News នៅក្នុងបទសម្ភាសន៍មួយ កាលពីថ្ងៃសុក្រថា កិច្ចប្រជុំនេះ នឹងផ្តោតលើស្ថេរភាព សន្តិភាព និងសេរីភាពនៅប្រទេសមជ្ឈឹមបូព៌ា ហើយក៏រួមបញ្ចូលទាំងសារ:សំខាន់ នៃការធានាថា អ៊ីរ៉ង់ នឹងមិនមានឥទ្ធិពលបង្កអស្ថេរភាព៕