អ៊ីរ៉ង់ៈ ប្រព័ន្ធផ្សព្វផ្សាយរដ្ឋ បានរាយការណ៍នៅថ្ងៃច័ន្ទនេះថា ឆ្មាំបដិវត្តអ៊ីរ៉ង់ បានរឹបអូសកប៉ាល់ ដែលសង្ស័យថា បានរត់ពន្ធប្រេង និងចាប់ខ្លួនសមាជិកនាវិកម៉ាឡេស៊ីចំនួន ១៦ នាក់។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៣១ ខែធ្នូ ឆ្នាំ២០១៩។

គេហទំព័ររបស់ទូរទស្សន៍រដ្ឋ IRIB បាននិយាយថា ក្រុមឆ្មាំ បានរឹបអូសបានប្រេងរត់ពន្ធចំនួន ១,៣ លានលីត្រពីកប៉ាល់ សុំមិនបញ្ចេញឈ្មោះ នៅចម្ងាយ ១៥ ម៉ាយពីកោះ Abu Musa ។

សូមជម្រាបថា Abu Musa គឺជាកោះមួយ ក្នុងចំណោមកោះចំនួន ៣ នៅភាគខាងត្បូងឈូងសមុទ្រ ដែលស្ថិតក្រោមការគ្រប់គ្រងរបស់អ៊ីរ៉ង់ ប៉ុន្តែក៏ត្រូវបានអារ៉ាប់រួមអះអាងជារបស់ពួកគេផងដែរ៕