តារាសម្តែងនិងម៉ូដែលនាង Sulli នៅតែបន្តបង្ហោះរូបរសើប បានធ្វើឲ្យតារាសម្តែង​ជើងចាស់លោក Kim Ui Seong វ័យ ៥១ឆ្នាំ ជា​តួ​ក្នុងភាពយន្ត “Train To Busan” និង​ “W – Two Worlds” ចេញមុខការពារនាងខណៈដែលទស្សនិកជនរិះគន់ទៅលើរូបនាង​យ៉ាងចាស់ដៃ​។
​
បន្ទាប់ពីតារាសម្តែងស្រី វ័យ ២២ឆ្នាំ នាង Sulli បានបង្ហោះរូបដ៏ភ្ញាក់ផ្អើលជាច្រើនសន្លឹកនោះ ដែលធ្វើឲ្យអ្នកលេងបណ្តាញសង្គម ធ្វើការប្រមាថ និងរិះគន់ រំពេច​ជាមួយគ្នានោះ តារាសម្តែង​ជើងចាស់ក្នុងភាពយន្តល្បីកូរ៉េខាងត្បូង “Train To Busan” បានចេញមុខការពារក្នុងន័យគាំទ្រ​។​

លោក Kim Ui Seong បានសរសេរលើធ្វីតទ័រថា «Sulli ព្យាយាម​បង្ហោះរូបម្តងហើយម្តង​ទៀត គ្មានការពន្យល់ហេតុផលណាមួយដែលគ្មានប្រយោជន៍ គឺជាមនុស្ស​ដ៏អស្ចារ្យលើពិភពលោក» ។​ លោកបានបន្តធ្វើការគាំទ្រ​ទៀតថា លោកនឹងមិនខ្ជះខ្ជាយនូវពាក្យណាមួយ បន្ថែមទៀតនោះទេ សូម​បន្តទៀត ហើយរស់នៅជាមួយជីវិត​អ្នក លោកមិនរារាំងនាង​នោះទេ​៕​