សម្រាប់ផលិតកម្មសាន់ដេ ជាផលិតកម្មទី​២ ក្នុងឆ្នាំ​២០១៧ បន្ទាប់ពីហង្សមាស ដែលមាន​រឿង​ចម្រូង​ចម្រាស់ តារាៗនាំគ្នា ចាកចេញទៅច្រៀងផលិតកម្មផ្សេងនោះ ។​

មិនទាន់នឹងស្ងប់ខ្យល់រឿងតារាហង្សមាស​ នាំគ្នាចេញទៅច្រៀង​នៅផលិតកម្មថោនផង ពេលនេះផលិតកម្មសាន់ដេ បានលេចឭនូវព័ត៌មាន បញ្ហារង្គោះរង្គើផ្ទៃក្នុង ដោយតារាចម្រៀង​ សុខ ស្រីនាង បានចាកចេញជាផ្លូវការ និង​ទ្រនំរបងខ្ពស់ ឈរ​ឈ្លោះ​ជាច្រើនឆ្នាំ ក្នុងពិភពសិល្បៈកម្សាន្ត​។​

យោងតាមប្រភពច្បាស់ការ ពីបុគ្គលិកសាន់ដេ បានបញ្ជាក់ប្រាប់ Post Komsan ឲ្យដឹងថា​ សម្រាប់សុខ ស្រីនាង បានចាកចេញពីទ្រនំសាន់ដេជាផ្លូវការហើយ ដោយ​តារាចម្រៀង​សាច់សខ្ចីរូបនេះ បានទៅកុងត្រា​ច្រៀងនៅផលិតកម្ម ហង្សមាស ជាផ្លូវការ គ្រាន់តែ​ខាងផលិតកម្ម មិនទាន់បញ្ចេញជាផ្លូវការ ក៏ព្រោះតែចង់ធ្វើឲ្យ អ្នកគាំទ្រភ្ញាក់ផ្អើល។​

ប្រភពពីបុគ្គលិកហង្សមាស សូមមិនបញ្ចេញឈ្មោះ បានបញ្ជាក់ថា សុខ ស្រីនាង ទើបតែចូលហង្សមាស បានប៉ុន្មានថ្ងៃ ដោយខាងផលិតកម្មកំពុងធ្វើភ្លេងថ្មី ឲ្យនាងច្រៀង ដើម្បីវាយលុកទីផ្សារសិល្បៈខាងមុខ។

ដំណឹង​ដ៏ភ្ញាក់ផ្អើលនេះ បានធ្វើឲ្យទស្សនិកជន ក៏ដូចជា​អ្នកគាំទ្រសុខ ស្រីនាង និង ផលិតកម្មទាំងពីរ ចាប់អារម្មណ៍យ៉ាងខ្លាំង ហើយក៏អបអរសាទរ ចំពោះព័ត៌មាន​ច្បាស់ការនេះ​៕