នៅលើទំព័រ QQ បានឲ្យដឹងថា Xu Shaohua វ័យ​៥៩ឆ្នាំ ដែលគេស្គាល់ច្បាស់ថា​ជា​សង្ឃថាងចេងជំនាន់ទី​១ ត្រូវបានគេជួល​ឲ្យច្រៀងក្នុងព្រឹត្តិការណ៍ដ៏តូចមួយ ជាមួយនឹង​បទក្នុងរឿង Journey to the West ។

នៅតែក្បាលត្រងោល ស្លៀកស្បង់ជីវរ ដែលមើលទៅ​ Xu Shaohua ដូច​ទៅនឹងការរស់នៅ ក្នុងខ្សែភាពយន្ត ខាងលើ​ដែលផលិតនៅឆ្នាំ ១៩៨៦ ដែលជារឿង​ស៊ុនអ៊ូខុងជំនាន់ទី​១​។

ផ្អែកតាមទំព័រ​ខាងលើ បាន​បន្តថា ថាងចេង ទទួលបានការសារទរ​អបអរ​ពីសំណាក់​ទស្សនិកជន នៅក្នុងព្រឹត្តិការណ៍ ដ៏តូចមួយនោះ បន្ទាប់ពីច្រៀងបទ “Rainbow Love” ដែលជាចម្រៀងមួយបទក្នុងសាច់រឿង​ Journey to the West ដែលប្រែថា​ដំណើរទៅកាន់លោកខាងលិច​ ។​

ក្រោយលេច​រូបភាពជាច្រើនរបស់ថាងចេង មានការ​អត្ថាធិប្បាយច្រើនចំពោះតារាសម្តែងខាងលើ ដោយលើកឡើងថា អាយុ​៥៩ឆ្នាំ ទៅហើយ នៅតែក្រាញននៀលរកលុយ ដោយព្យាយាមច្រៀងបទ​ចាស់ ក្នុងសាច់រឿងរបស់ខ្លួន។ ទោះបីជាយ៉ាងនេះក្តី មានការលើក​ជាមតិថា ដោយសារតែគាត់ចង់ពឹងលើខ្លួនឯង ជាជាងពឹងលើកូនចៅ ទើបគាត់ធ្វើដូច្នោះ៕