តារាចម្រៀង Lee Ji-eun ហៅ IU និង Rihanna បានធ្វើឲ្យអ្នកលេង​អនឡាញ​កើតរោគឆ្ងល់យ៉ាងខ្លាំង ដោយលាក់ពីជំនាញរបស់នាង ពាក់​ទ្រនាប់ជើង​កែង​ចោត ដើរ​លើ​គំរបលូ ដែលមានប្រហោធធំៗ ដែលអាច​បណ្តាល​ឲ្យ​ដួលក្រិកកជើង ។​

មិនត្រឹមតែមិនបានមានគ្រោះថ្នាក់ដល់ថ្នាក់ដួលក្រិកកជើងនោះទេ ផ្ទុយទៅវិញ IU និង​ Rihanna អាចដើរលើគំរបលូ ដែលមានប្រហោងធំៗ ដោយសុវត្ថិភាព និងមិនមានបញ្ហាអ្វីឡើយ ខណៈដែលរន្ធលូ មានទំហំធំជាងកែងទ្រនាប់ជើង​។ ទិដ្ឋភាពនេះ បានធ្វើឲ្យអ្នកលេងអនឡាញ មានការចាប់អារម្មណ៍ ដោយមិននឹកស្មានថាតារាពីរដួងនេះ មានអាថ៌កំបាំង ក្នុងការដើរ​យ៉ាងដូច្នោះសោះ។

ទន្ទឹមជាមួយគ្នានេះដែរ អ្នកលេងអនឡាញ បានចោទសួរ​ពីអាថ៌កំបាំង​នេះ ថា​ធ្វើដូចម្តេច ទើប​តារាពីរដួងនេះ អាច​ដើរបានយ៉ាងងាយស្រួលលើគំរបលូ ដែលមានរន្ធធំៗ ជាងកែង ដោយមិនរអិលដួល ឬក្រិក​បាក់កជើង ៕​