Post News Media ព័ត៌មានសិល្បៈ និងកម្សាន្ត អតីតបវរកញ្ញា​...

អតីតបវរកញ្ញា​អ៊ីតាល Gessica បង្ហាញមុខសាធារណ:ក្រោយអតីត​មិត្តប្រុសជះទឹកអាស៊ីត​

បវរកញ្ញា​អ៊ីតាលី នាង Gessica Notaro បានងបង្ហាញមុខ​ជា​សាធារណ: ក្រោយការ​បំផ្លិចបំផ្លាញទាំងស្រុង​ដោយទឹកអាស៊ីត ដែលវាយប្រហារដោយ​អតីតសង្សារ។

អតីត​បវរកញ្ញា​ខាងលើ ម្សិលមិញនេះបានបង្ហាញមុខ​ជា​សាធារណ:លើកញ្ចក់ទូរទស្សន៍​ ដើម្បីបង្ហាញពី ភាពភ័យខ្លាច​ដែល​រងពី​អតីត​សង្សារ​។ ក្នុងការផ្សាយផ្ទាល់នោះ ដំបូងឡើយនាងបានបាំងស្បៃមុខ ប៉ុន្តែ​ពិធីករ​សួរថាបើអ្នកចង់យកស្បៃមុខចេញ គឺអាចបាន ។ ក្រោយមកទៀតនាងក៏ព្រមយកស្បៃបិទបាំងមុខនោះចេញ និងចែករំលែក​ពីរឿងដ៏ឈឺចាប់របស់ខ្លួនថា «ខ្ញុំចង់បង្ហាញអ្នក នូវ​អ្វីដែលគាត់ធ្វើ ដែលមិនមែនជាសេចក្តីស្រឡាញ់»។ ក្នុងបទសម្ភាសន៍នោះនាងបានឲ្យដឹងថា រយ:ពេលជិត​ខែ ដែលនាងស្ថិតក្នុងបន្ទប់មន្ទីរពេទ្យ ដោយសម្រាប់នាងដូចស្ថិតក្នុងគុកមួយ។

បច្ចុប្បន្ន Gessica Notaro កំពុងរង់ចាំរយ:ពេល​មួយឆ្នាំ ទៀត ដោយត្រូវធ្វើការវះកាត់ផ្លាស្ទីក ។ ជារៀងរាល់ខែ​នាងត្រូវចំណាយ​ ៦០០ផោន លើថ្នាំបន្តិកភ្នែក និងបន្ថយការឈឺចាប់លើផ្ទៃមុខ។

ជនជាប់ចោទដែល​បានប្រើហិង្សាជះទឹកអាស៊ីត គឺជា​អតីតសង្សាររបស់តារាខាងលើ ឈ្មោះ លោក Jorge Edson Tavares គឺជាក្រុមអង្គរក្ស​។ ពួកគេបានរស់នៅជាមួយគ្នារយ:ពេល៣ឆ្នាំ និងបានធ្វើការរួមគ្នានៅ ឧទ្យាន Rimini ។ បច្ចុប្បន្ន Tavares កំពុងដេកគុក ដោយរងចាំការកាត់ក្តី ។

គូស្នេហ៍នេះបានបែកគ្នាកាលពីខែសីហា ឆ្នាំទៅ ក្រោយពេលបែក Tavares តែងតែលួច​មើល​ទៅលើអតីត​សង្សារ​ក្នុងលក្ខណ:ប្រចណ្ឌខឹង ។ ដោយសារតែសេចក្តីប្រចណ្ឌឃើញ មិត្តស្រីមានស្នេហ៍ថ្មី នៅពេលដែល Gessica Notaro ចេញទៅហូបអាហារ​ពេល​ល្ងាច​ជាមួយមិត្តភក្តិកាលពីថ្ងៃទី​១០​ មករា លោក Tavares ក៏ដើរតាម ដោយពួនក្រោយរថយន្ត ដោយជះទឹកអាស៊ីតលើមុខ​នាងតែម្តង ៕​

Loading...