នៅវេលាម៉ោង៦ និង ៣០នាទីល្ងាចនេះ តារាល្បីឈ្មោះក្នុងពិភពសិល្បៈ៣រូប គឺ តារាកំប្លែងនីឡា តារាចម្រៀងម៉ៅ ស៊ីណាត និង តារាសម្ដែងអ្នកនាង លី ម៉ារីណា នឹងប៉ះគ្នាយ៉ាងកម្រក្នុងវេទិកាបន្តផ្ទាល់មួយរហូតដល់ម៉ោង៨យប់។ អ្នកទាំង៣នឹងបង្ហាញខ្លួនក្នុងកម្មវិធី”Komsan Talkshow” ដោយអ្នកនាង ម៉ៅ ស៊ីណាត និង លី ម៉ារីណា ដើរតួជាអ្នកជជីកដេញដោល ហើយកញ្ញានីឡា បង្ហាញខ្លួនក្នុងនាមជាតារាកិត្តិយស។

កម្មវិធីកិច្ចសម្ភាសន៍តារាសិល្បៈ ដែលមានការពេញនិយមមួយនេះ នឹងប្រើរយៈពេលមួយម៉ោងកន្លះរបស់ខ្លួន បំបែកចម្ងល់របស់មហាជនជុំវិញរឿងរ៉ាវរបស់កញ្ញា នីឡា ពាក់ព័ន្ធនឹងការងារសិល្បៈ ការសិក្សា និងករណីផ្ទុះការរិះគន់មុននេះ អមដោយការខលចូលរបស់អ្នកទស្សនាដោយផ្ទាល់ៗ។ នេះជាកម្មវិធីសិល្បៈដែលបានបន្តផ្ទាលលើផេកPostkomsan និងត្រូវបានផ្សាយបន្តដោយផេក”គ្រួសារតារាកម្ពុជា” និង”Postnews” រៀងរាល់សប្ដាហ៍ ដោយគ្រាន់តែសប្ដាហ៍នេះត្រូវបានលើកមកធ្វើនៅល្ងាចថ្ងៃសុក្រនេះវិញ ដើម្បីសម្របតាមពេលវេលារបស់តារាកិត្តិយសដែលមានរឿងរ៉ាវក្ដៅៗ។

អ្នករៀបចំកម្មវិធីបានអះអាងនេះជាកម្មវិធីរបស់ Postkomsan ដែលបានរៀបចំឡើងដោយគ្រួសារតារាកម្ពុជា ដោយវត្តមានរបស់តារាកិត្តិយសក្រៅពីជាតារាល្បី ក៏ជាតារាសិល្បៈដែលមានដំណឹងកក្រើកមហាជននៅលើបណ្ដាញព័ត៌មាន និងហ្វេសប៊ុកផងដែរ។ នេះជាវេទិកាបកស្រាយរឿងរ៉ាងមួយយ៉ាងស៊ីជម្រៅ ដែលតារាកិត្តិយសអាចប្រើកម្មវិធីមួយនេះធ្វើការជម្រះមន្ទិល និងទទួលបាននូវការលើកទឹកចិត្តពីអ្នកគាំទ្រតាមរយៈការខលចូលរបស់អ្នកទស្សនាៗ កម្មវិធីKomsan Talkshow នៅល្ងាចថ្ងៃនេះត្រូវបានគេប៉ាន់ស្មានថាមានលក្ខណៈពិសេសដោយសារតែបានបើកឆាកជាមួយនឹងពិធិការិនីផ្លាស់ថ្មី គឺអ្នកនាងម៉ៅ ស៊ីណាត ដែលគេស្គាល់រួចមកហើយថាជាអតីតពិធីការិនីវោហារបាន និងសម្ដីច្រែតៗ និងតារាកិត្តិយសវ័យក្មេងស្រស់ស្អាតគឺកញ្ញា វ៉ាន់ នីឡា កូនស្រីរបស់លោកតា វ៉ិចទ័រ ដែលទើបនឹងមានរឿងក្ដៅៗនៅលើហ្វេសប៊ុករឿងជាន់ទង់ជាតិក្នុងពេលសម្ដែង។ ក្នុងនោះពិធីការិនីសំបូរសម្រស់ អ្នកនាង លី ម៉ារីណា ក៏នឹងកាន់តែធ្វើអោយកន្ត្រាក់អារម្មណ៍មហាជនផងដែរ។

បន្ទាប់ពីអ្នកនាងថ្នឹកនឹងកម្មវិធីជាងមុន។ អ្នកទាំង៣នឹងធ្វើអោយកិច្ចសម្ភាសន៍នាល្ងាចនេះទទួលការចាប់អារម្មណ៍ទ្វេដង ដោយសារតែរឿងរ៉ាវរបស់តារាកិត្តិយសនៅតែក្ដៅនៅឡើងនៅលើហ្វេសប៊ុក ហើយជាជំនួបពិធីការិនីល្បីឈ្មោះ២រូប យ៉ាងកម្រក្នុងវេទិកាតែមួយ ស្របគ្នាដែលកម្មវិធីបន្តផ្ទាល់ល្ងាចនេះ ធ្វើចំល្ងាចថ្ងៃសុក្រ ដែលជាពេលវេលាចុងសប្ដាហ៍របស់អ្នកបម្រើការងារភាគច្រើន៕