ព័ត៌មានសិល្បៈ និងកម្សាន្ត

គង់ សុជាតិ និង ស្វាមី ធ្វើខួប១ឆ្នាំកូនស្រី

កាលពីយប់ថ្ងៃទី៥ មករា គូស្នេហ៍ពិធីករពិធីការិនី អ្នកនាង គង់ សុជាតិ និង លោកជា វិបុល បានប្រារព្ធពិធីខួបកូនស្រីរបស់ខ្លួនធំគួរសម ដោយមានម្ចាស់ផលិតផល និង មិត្តភក្តិជាច្រើននាក់ចូលរួម។ នៅក្នុងពិធីនេះ គេឃើញអ្នកទាំង២ និងកូនស្រី លេងឈុតសក្បុសយ៉ាងលេចធ្លោរនៅក្នុងពិធីនោះផង។

លោក ជា វិបុល បានបង្ហោះជាសាធារណ:អរគុណ ដល់ភ្ញៀវកិត្តិយស ដែលបានចូលរួមក្នុងពិធីគម្រប់ខួបរបស់កូនស្រី ដោយលោកបញ្ជាក់ការអញ្ជើញ មិនត្រូវបានយកលិខិតទៅជូនដោយផ្ទាល់ដៃនោះទេ តែសាច់ញាតិ និងអ្នរាប់អាន សុទ្ធតែអបអរនៅក្នុងពិធី។

លោកថាពិធីខួបរបស់កូនស្រីលោក មិនមានគម្រោងធ្វើឡើងធំដំុនោះទេ ប៉ុន្តែដោយសារតែការអាណិតស្រឡាញ់ ទើបការចូលរួមក្លាយជារឿងអ៊ូរអរ។

លោក និងភរិយា ត្រូវគេឃើញញញឹមបិទមាត់មិនជិត ខណ:ដែលកូនស្រីរបស់អ្នកទាំងពីរ ក៏ជាតំណាងផលិតផលទឹកដោះគោ និងផលិតផលខោក្មេងៗរបស់ក្រុមហ៊ុនបរទេសមួយ យ៉ាងកាលីពផងដែរ។

លោក ជា វិបុល និយាយថា គិតត្រឹមថ្ងៃទី៥ មករា នេះ ដូរី ដំណក់ឈាមស្រីរបស់លោកមានវ័យ១ឆ្នាំគត់ ហើយលោកក៏នឹងមានគម្រោងយកកូនទី២ ទី៣ ជាមួយនឹងភរិយា គឺអ្នកនាងគង់ សុជាតិ ផងដែរ តែលោកបញ្ជាក់ ជម្រើសយកកូនពេលណា ជាកូនប្រុសឬស្រី ឬ ជាកូនភ្លោះដូចអ្វីដែលអ្នកនាងធ្លាប់ប្រកាស គឺជាការសម្រេចចិត្តរបស់អ្នកនាងទាំងស្រុង។ លោកថា សប្បាយចិត្តណាស់ ដែលក្រោយមង្គលការគឺជីវិតស្នេហារបស់លោក កាន់តែកក់ក្ដៅ កាន់តែរឹងមាំផ្នែកជីវភាព ព្រោះតែមានមុខរបរ និងការងារសិល្ប:រីកចម្រើន និងមានទាំងកូនស្រីគួរឲ្យស្រលាញ់ទៀត។ យ៉ាងណាមិញ លោកមិនទាន់ដឹងថា រហូតដល់ពេលណា ទើបលោកសម្រេចយកកូនទីជាដំណក់ឈាមជាមួយ អ្នកនាង គង់ សុជាតិ នោះទេ៕

មតិយោបល់