ផ្ទះ ព័ត៌មានសិល្បៈ និងកម្សាន្ត មើលស៊ឹងមិនស្គ...

មើលស៊ឹងមិនស្គាល់ សម្រស់ ហង្ស សុជាតា ពេលគ្រងឈុតសម្អាងការ

0

ដ្បិតតែមិនសូវមានបទចម្រៀងផ្ទុះៗដូចមុន តែតារាចម្រៀង កញ្ញា ហង្ស សុជាតា នៅតែលេចមុខមាត់ នៅក្នុងវិស័យចម្រៀង ជាពិសេស គឺការលេងស្ទីលយ៉េយ៉េ។ អ៊ីចឹងហើយទើបម្នាក់ៗភ្ញាក់ព្រឺត នៅពេលឃើញនាងគ្រងឈុតសម្អាងការ ជាច្រើនឈុត ហើយស៊ឹងតែមិនស្គាល់ ដោយសារតែក្រោយតុបតែង គឺសម្រស់ប្លែក ហើយក្មេងជាងវ័យ។

លោក នី សុខជា ដែលត្រូវគេស្គាល់ថា ជាអ្នកឯកទេសផាត់មុខកូនក្រមុំល្បី ឈ្មោះមួយរូប បានបង្ហោះរូបជាច្រើនសន្លឹករបស់ហង្ស សុជាតា ដោយលោកបញ្ជាក់ថា ហេតុផលដែលលោកបង្ហោះ គឺដោយសារតែ ហង្ស សុជាតា បានថតឈុតសម្អាងការ ឲ្យខ្លួន និងត្រូវបានលោកជាអ្នកផាត់មុខ ធ្វើសក់ឲ្យដោយផ្ទាល់ដៃ។ លោកថា ពីមុនលោកគ្រាន់តែជាអ្នកផាត់មុខកូនក្រមុំ និងជាអ្នកផាត់មុខអ្នកសិល្ប:ប៉ុណ្ណោះ ប៉ុន្តែដោយឯកទេសនេះ កាន់តែមានការទទួលស្គាល់ពីសង្គមផាត់មុខភាគច្រើន ទើបលោកសម្រេចចិត្តបោះទុនបើកសម្អាងការយីហោ “សុខជាសម្អាងការ” ស្ថិតនៅបុរីភ្នំពេញសុខសាន្ត គីឡូម៉ែត្រលេខ៦ ហើយក៏ពេញចិត្តយកតារាចម្រៀង កញ្ញា ហង្ស សុជាតា ឲ្យថតសម្អាងឲ្យ ដោយសារតែធ្លាប់ផាត់មុខកញ្ញា ហើយដឹងថា ត្រេមុខនាងផាត់ឆាប់ប្លែក និងតែងឆាប់ឡើង។ លោកថា កញ្ញា ហង្ស សុជាតា មិនដែលថតសម្អាងការទេ ទើបនៅពេលគ្រងឈុតសម្អាងការ គេសូម្បីតែលោក ក៏សរសើរថាប្លែក ហើយស្អាត។

លោក នី សុខជា បន្តថា ក្រៅពីហង្ស សុជាតា តារាចម្រៀង និងសិល្បការិនីល្បីៗ ជាច្រើនទៀត ជាពិសេស តារាដែលលោកធ្លាប់កាន់មុខឲ្យ ក៏នឹងត្រូវអញ្ជើញ ឲ្យមកថតសម្អាងការដូចគ្នានឹង ហង្ស សុជាតា ផងដែរ ដើម្បីបង្ហាញទឹកដៃផាត់មុខ និងបង្អួតឈុតថ្មីៗ ក្នុងសម្អាងការខ្លួនផង ក្នុងពេលបន្តបន្ទាប់៕

Loading...

Leave a Reply

This site uses Akismet to reduce spam. Learn how your comment data is processed.