តារាសម្តែងរាងខ្ពស់ស្រឡះបែបខ្មែរអង្គរលោក អ៊ុន សុធា ដែលកំពុងតែទទួលបាននូវកាគាំទ្រយ៉ាងច្រើនក្រាសក្រែលពីស្រទាប់យុវវ័យ ក្នុងការសម្តែងកាយវិការខារ៉ាអូខេ និងសាច់រឿងជាដើមនោះ នៅថ្ងៃទី ១៣ ខែ កក្កដា នេះ លោកអ៊ុន សុធា នឹងចាក់ចេញពីប្រទេសកម្ពុជាទៅ សម្តែងនៅអូស្រ្តាលី ដើម្បីស្វែងរកការគាំទ្របន្ត នៅទីនោះ ។

ប្រភពពីគេហទំព័រ ហ្វេសប៊ុករបស់លោក អ៊ុន សុធា បានឲ្យដឹង ដែរថា ការចាក់ចេញនេះនឹងមានរយៈពេលមួយខែ ដើម្បីទៅសម្តែងដោយផ្តោតសំខាន់លើការបង្ហាញសម្លៀកបំពាក់បែបប្រពៃណី ។នៅលើទំព័រ ហ្វេប៊ុកដដែលលោកបានសរសេរថា”ខ្ញុំលាបងប្អូនរយៈពេលមួយខែសិន ដើម្បីទៅសម្តែងនៅអូស្រា្តលី” ក្នុងនោះដែរដោយមានអ្នក Cmd ជាច្រើនរួមទាំងគេហទំព័រ ដំណឹងផងដែរ ដោយជូនពរដំណើរលោកអ៊ុន សុធា ឲ្យទទួលបានសេចក្តីសុខក្នុងការចាក់ចេញនឹងវិលត្រលប់មកមាតុប្រទេសដោយសុវត្តិភាព ។ តារាសម្តែងរូបនេះក៏បានCmd តបវិញថា សម្រាប់ការចាក់ចេញនេះលោកនឹងពាំ នាំនូវអ្វីដែលថ្មីមកវិញ ហើយក៏ឲ្យអ្នកគាំទ្រនៅទីនោះឲ្យដឹងថា តន្រ្តីសិល្បៈខ្មែររីកចំរើនដល់ណាហើយផងដែរ ។

នៅថ្មីៗនេះដែរ លោក អ៊ុន សុធាទើបតែបានបញ្ចប់នូវការសម្ភោធរឿង “នាយឡប់ជំពប់ស្នេហ៍” ដែលជារឿងមួយលាយឡំនឹងកំប្លែង ស្នេហា បែបកន្ត្រាក់អារម្មណ៍ គួរឲ្យចង់សើចចុកពោះ ។ក្នុងសាច់រឿងនេះដែរមានការចូលរួមសម្តែងពីតារាជាច្រើនរូបដែលមានឈ្មោះបោះសំឡេងក្នុងព្រះរាជាណាចក្រកម្ពុជា។

បញ្ជាក់ផងដែរ សម្រាប់ការចាក់ចេញនេះ គឺក្រោមការដឹកនាំរបស់លោក យ៉ែម សំអូន ក្នុងនោះក្រៅពីលោកអ៊ុន សុធា នៅមាន តារាសម្តែងនាង តូតា ដែលល្បីមួយខ្យល់ធំធ្វើខួបកំណើតស្នេហ៍ជាមួយនឹងលោក ទឹម នីអូ នាង យ៉ាន លីនដា និងលោក ស្រី សឿ សុធារ៉ា ៕