ព័ត៌មានសិល្បៈ និងកម្សាន្ត

យុគ ចិន្តា បោះទុនជិត២០ម៉ឺនសង់ភោជនីដ្ឋានបែបខ្មែរ

នៅអំឡុងខែ១២នេះ ពិធីការិនីល្បីឈ្មោះអ្នកនាងយុគ ចិន្តា បានអះអាងថាអ្នកនាងនឹងដំណើរការភោជនីយដ្ឋានថ្មីរបស់ខ្លួនដែលមានឈ្មោះថាភោជនីយដ្ឋាន«ស្លឹកឈូក»ជំនួសឲ្យភោជនីយដ្ឋានស្លឹកចាកដែលបានក្ស័យធន។ មកទល់ពេលនេះ ដើមទុនសាងសង់ត្រូវអ្នកនាងប្រកាសថាជាង១០ម៉ឺនដុល្លារក្រាស់ហើយ ខណ:ដែលទម្រាំរួចរាល់គឺមិនឆ្ងាយពី ២០ម៉ឺនដុល្លារនោះឡើយ។

អ្នកនាងយុគ ចិន្តា បានសារភាពថាការបិទចោលភោជនីយដ្ឋានស្លឹកចាក មិនមែនដោយសារតែបញ្ហាក្ស័យធន និងឡុងចុងនោះទេ។ ប៉ុន្តែវាពាក់ព័ន្ធនឹងភោជនីយដ្ឋាននោះមានភាគហ៊ុន២នាក់ ហើយគាប់ជួនជាម្ចាស់ភាគហ៊ុនមួយដកខ្លួន ក៏តម្រូវឲ្យអ្នកនាងវាយភោជនីយដ្ឋាននោះចោល ដើម្បីស្ថាបនាទម្រង់ភោជនីយដ្ឋានថ្មីដែលអ្នកនាងយល់ថាត្រូវមានអត្តសញ្ញាណចេញពីគំនិតរបស់ខ្លួន។ អ្នកនាងថាភោជនីយដ្ឋានដែលអ្នកនាងសាងសង់ ត្រូវបានស្ថាបនាជាទម្រង់បែបខ្មែរ ដោយសូម្បីតែការវិចខ្ចប់ក៏ប្រើស្លឹកឈូកជំនួសឲ្យថង់ និងប្រអប់ប្លាស្ទីក។

អ្នកនាងថាទាំងទម្រង់ហាង និងការរៀបចំខាងក្នុងខាងក្រៅ ត្រូវបានរៀបចំជាភោជនីយដ្ឋានបែបខ្មែរ ទើបការសាងសង់មិនទាន់ទាំងបានរួចរាល់១០០ភាគរយផង គឺអស់ទុនអស់ជាង១០ម៉ឺនដុល្លារក្រាសហើយ។ អ្នកនាងបញ្ជាក់ថាការចំណាយផ្លូវការនៅមិនទាន់អាចវាយតម្លៃបានទេ តែសម្រាប់ដើមទុនទម្រាំដល់ការស្ថាបនាភោជនីយដ្ឋានស្លឹកឈូក រួចរាល់ អ្នកនាងបញ្ជាក់ថាគឺពិតជាអស់ច្រើន។ អ្នកនាងព្រលយថាការចំណាយជាក់ស្ដែងប្រហែលជាចេញមិនឆ្ងាយពីរង្វង់២០ម៉ឺនដុល្លារនោះទេ ដោយសារតែហាងមិនទាន់រួចរាល់ផង អ្នកនាងបានបោះដើមទុនអស់ជាង១០ម៉ឺនក្រាស់ទៅហើយ។ អ្នកនាងថាភោជនីយដ្ឋានស្លឹកចាក នឹងដំណើរការនៅអំឡុងខែធ្នូ ដោយតាមការរំពឹងគឺនៅអំឡុងដើមខែមករាខាងមុខ គឺហាងមួយនេះត្រូវបានអ្នកនាងរៀបចំយុទ្ធសាស្រ្តដើម្បីឲ្យមានភាពទាក់ទាញ។

ជាមួយនឹងការទម្លាយនេះហើយ ដែលអ្នកណាៗក៏មានការភ្ញាក់ផ្អើល ដោយសារតែអ្នកនាងទើបនឹងបោះទុនបើកហាងកាត់ដេរអស់រាប់សែនដុល្លារ ក៏ស្រាប់តែសង់ភោជនីយដ្ឋានមួយថ្មីសន្លាងដោយដាក់ឈ្មោះថា«ស្លឹកឈូក»អស់រង្វង់ជិត២០ម៉ឺនដុល្លារទៀតបែបនេះ។ នេះក៏ជាការទម្លាយលើកដំបូងរបស់អ្នកនាងផងដែរ សម្រាប់ការបោះទុនដ៏ច្រើនលើជំនួញសង់ភោជនីយដ្ឋាននេះ៕
ទស្សនា​វីដេអូឃ្លិបដូចខាងក្រោមនេះ៖

yok-chinda3

yok-chinda6

yokchinada

yokchinda1

yokchinda2

yokchinda4

មតិយោបល់