ការផ្លាស់ទ្រនំចាស់ ចូលទ្រនំថ្មី របស់ខាន់ ជេមស៍ ដោយសារបញ្ហាទ្រនំចាស់ប្រកាសក្ស័យធន នោះ តារាចម្រៀងសំឡេងខ្ពស់គ្រាន់បើរូបនេះដូចជាបាក់ស្រុតនូវប្រជាប្រិយភាពមួយអន្លើ។
ការហក់តោងលោតចូលផលិតកម្ម សាន់ដេភាពយន្ត គេកំពុងសម្លឹងឃើញថាតារាចម្រៀងរូបនេះហាក់ដូចក្សត់ខ្សោយនូវប្រជាប្រិយភាព ទោះបីជាមាន ៤ បទក្នុងនោះមានបទ “ទះថ្ពាល់ស្តាំអង្អែលថ្ពាល់ឆ្វេង” បទ “ធ្វើដើម្បីខ្លួនឯងកុំដើម្បីបងពេក” បទ”កំដរសង្សារគេឈឺចាប់” និងបទ “ជួបស្នេហ៍នៅភ្នំពេញ” ក្នុងស៊ីឌីវ៉ុលទី ១៤០ ។បទដែលត្រូវបានគេគិតថាជាបទ ពិរោះនោះគឺ “ទះថ្ពាល់ស្តាំអង្អែលថ្ពាល់ឆ្វេង” ដែលមជ្ឈដ្ឋានគាំទ្រអាចសង្ឈឹមថា តារាចម្រៀងរូបនេះអាចស្តារនូវប្រជាប្រិយភាពតាមរយៈបទនេះ តែបែរជាស្ងាត់ដូចចោរលួចសេះទៅវិញ ដោយមិនមែនសកម្មភាពអីប្លែកណាស់ណានោះទេ ដោយឈរទ្រឹងមួយកន្លែង។ប្រការនេះបានធ្វើឲ្យ Fan និងមហាជនរបស់ខ្លួនគិតថា “បើសិនជាតារាចម្រៀងរូបនេះមិនទាន់មានអ្វីប្លែកទៀតនៅបំណាច់ឆ្នាំនេះ អាចនឹងធ្វើឲ្យប្រជាប្រិយភាពកាន់តែចុះខ្សោយៗទៅ ជាក់ជាមិនខានឡើយ” ។មិនមែនតារាចម្រៀង ខាន់ ជេមស៏មួយនោះទេ ដែលស្ងប់ស្ងាត់ក្នុងនោះ ម្ចាស់បទ “ស្អប់” លោក ហេង ពិទូ និង សិស្សឆ្លងទ្រនំចាស់ លោក ជុំ លីណូ គ្មានបទថ្មីណាដែលអាចធ្វើឲ្យមាហាជនទាក់អារម្មណ៍នៅឡើយ ទោះបីជាមានវត្តមាននៅលើផ្ទាំងក្រណាត់ស តាមរយៈរឿងថ្មីរបស់ផលិតកម្មខ្លួនក៏ដោយនោះ។
រំឭកពីអតីតកាលរបស់តារាចម្រៀង ខាន់ ជេមស៍ នៅក្នុងទ្រនំចាស់ ផលិតកម្ម រ៉ក គឺជាតារាចម្រៀងដែលស្ថិតនៅជួរមុខបំផុតរបស់ផលិតកម្មមួយនេះ ដែលមានបទល្បីជាច្រើនដែលធ្វើឲ្យខ្លួនគេមានឈ្មោះបោះសម្លេងរហូតមកដល់សព្វថ្ងៃនេះ តាមរយៈ បទ ទី ១ និងជាស៊ីឌីដំបូងរបស់ខ្លួន ក្រោមចំណងជើងថា”សម្រែកបេះដូង” ។ក្នុងស្ថានភាពប្រជាប្រិយភាព មិនមានលក្ខណៈដូចមុន មជ្ឈដ្ឋានមហាជននៅគិតបន្តថា តើ ខាន់ ជេមស៍ អាចទៅរួចទេ ក្នុងការក្រសោមប្រជាប្រិយភាពនោះ ? បើនៅក្នុងទ្រនំ ដែលខ្លួនកំពុងនៅនោះសុទ្ធ តែតារាចម្រៀងល្បីនោះ ដោយមាន លោក ខេមរៈ សិរីមន្ត លោក ហង្ស ឧត្តមមុន្នី លោក កែវ ឆាយ វីរៈយុទ្ធ និងកែវ វាសនា ជាដើម៕
ស្តាប់បទ “ទះថ្ពាល់ស្តាំអង្អែលថ្ពាល់ឆ្វេង” របស់ ខាន់ជេមស៍ ដូចខាងក្រោម៖
មតិយោបល់