ក្រោយពីការបង្ហាញមុខលើផ្ទាំងក្រណាត់ស រឿង “វិញ្ញាណស្នេហ៍បិសាចជញ្ជាក់ឈាម”តារាចម្រៀង ឆាយ វិរៈយុទ្ធ ហាក់ដូចជាស្ងប់ស្ងាត់ខុសពីធម្មតា។ បើទោះជាបទ “សង្សារលួចលាក់” ដែលសង្ឈឹមថា អាចនិងច្បាមប្រជាប្រិយភាពឡើងវិញនោះ តែផ្ទុយមកវិញស្ងប់ស្ងាត់ ដូចកង្កែបក្នុងរន្ធរងចាំភ្លៀងកក់ខែចឹង។
ឆាយ វិរៈយុទ្ធ កាលពីនៅទ្រនំចាស់ ផលិតកម្ម Bigman នោះ មិនថាបទមួយណា នោះទេ ឲ្យតែចេញ ភ្លាម សឹងតែកក្រើកចិត្តអ្នកគាំទ្រ និងពិរោះទៀតផង តែទាស់ត្រង់បទទាំងនោះសុទ្ធតែយកពី ប្រទេសជិតខាងតែប៉ុណ្ណោះ។
ភាពស្ងប់ស្ងាត់នេះដែរ សឹងតែមហាជន និងអ្នកគាំទ្ររបស់តារាចម្រៀងរូបនេះ ភ្លេចមុខថាយ៉ាងម៉េច ឬសុខទុក្ខយ៉ាងណាទៅហើយ ។ ជាមួយនឹងការសម្ងំខ្លួនដូចចោរលួចសេះនេះ គេមិនប្រាកដថា អាចប្រទាញយក ប្រជាប្រិយភាពដូចផលិតកម្មចាស់បានដែរឬអត់ ?
ទោះជាយ៉ាងណា មហាជនជាច្រើននៅតែចង់ឲ្យតារាចម្រៀងរូបនេះ បង្ហាញអ្វីដែលថ្មីដើម្បីឲ្យបេះដូងរបស់គេផុសចេញក្រៅទ្រូង អបអរជាមួយនិងអ្វីដែលថ្មីរបស់តារាចម្រៀងសម្លេងធ្ងន់រូបនេះ៕
មតិយោបល់