តាមរយៈអាលប៊ុម ៤៧៦ របស់ផលិតកម្មរស្មីហង្សមាស គេរំពឹងថា តារាចម្រៀងសក់វែងល្បីកាលពីប៉ុន្មានឆ្នាំ មុន លោក សាពួន មីដាដា អាចនឹងជ្រោងចាប់ប្រជាប្រិយភាពឡើងវិញជាក់ជាមិនខាន។បញ្ច្រាសមកវិញ ទន្ទឹមនឹងអាលប៊ុមនេះ ចេញគេសង្កេតឃើញថា អាលប៊ុមមួយនេះមិនសូវទទួលបានការចាប់អារម្មណ៍ ជាពិសេសបទចម្រៀងរបស់លោក សាពួន មីដាដា ផ្ទាល់តែម្តង។អាលប៊ុម ស៊ីឌី ៤៧៦ នេះ មានបទចម្រៀងដែលច្រៀងដោយលោក សាពួន មីដាដា ក្រោមចំណងជើងថា “ប្រាប់សង្សារអូនថាគេមានសំណាងណាស់” បទ “បងធម៌” “ស្រលាញ់អូនចង់តែយំ” “១២ ឆ្នាំមុន” និងបទ”ម្លប់ស្នេហ៍ដើមថ្កូវ”។
បទទាំងអម្បាលម៉ាន ខាងលើរបស់តារាចម្រៀង សាពួន មីដាដា មិនបានធ្វើឲ្យកក្រើកអារម្មណ៍របស់មហាជនឡើយ ។ក្រៅពីមហាជន មានកវីនិពន្ធមួយរូបរបស់ផលិតកម្ម រស្មីហង្សមាស ក៏ធ្លាប់បានសរសេរលើទំព័រហ្វេសប៊ុក ថា ការវិលត្រលប់របស់ តារាចម្រៀង សាពួន មីដដា ជាមួយនឹងសក់វែង អាចនឹងធ្វើឲ្យលោក ជ្រោងបានប្រជាប្រិយភាព កាលពី ៦ ទៅ ៧ ឆ្នាំមុនឡើងវិញ ។គេនៅចាំច្បាស់ថាកាលពីប៉ុន្មានឆ្នាំ កន្លងមកនេះ បទ ដែលធ្វើឲ្យកក្រើកអារម្មណ៍ និងរំជើបរំជួល ដល់បណ្តាអ្នកគាំទ្រខ្លួននោះមានបទ “ដើម្បីអ្វីទៅអូន” “បុរសម្នាក់នេះដែលគិតដល់អូន” “និយមន័យស្នេហ៍” និងបទ “រឿងពិតនៃយើងទាំងបី” ដែលសុទ្ធសឹងជាបទដែលធ្វើឲ្យតារារូបនេះរីកមុខដូចគ្រាប់ជី។
ប្រៀបផ្ទឹម និងបទចម្រៀងចាស់ និងបទចម្រៀងថ្មី ដែលចរាចរណ៍នៅលើទីផ្សារសព្វថ្ងៃ មហាជនជាច្រើន បានយល់ឃើញថា តារាចម្រៀង សាពួន មីដាដា មិនអាចស្តារកេរ្តិ៍ឈ្មោះសារជាថ្មីបាននោះទេ ដោយសារតែរលកក្រោយច្រានរលកគាប់ គោបផ្សំនឹងការហៅតារាចម្រៀងប្រុសស្រីវ័យក្មេង ចូលច្រៀងរដឹក មិនដាច់នោះ ដែលជាហេតុធ្វើឲ្យ សាពួន ពិបាកនឹងស្តារប្រជាប្រិយភាពណាស់។
តែទោះជាយ៉ាងណា គេសង្ឈឹមថា តារាចម្រៀងរូបនេះនឹងផលិតបទចម្រៀងដោយខ្លួនឯង ដើម្បីស្តារកេរ្ត៍ឈ្មោះកាលពីប៉ុន្មានឆ្នាំ មុនឡើងវិញ ដើម្បីធ្វើឲ្យទស្សនិកជនភ្ញាក់ផ្អើលសារជាថ្មី៕
https://i1272.photobucket.com/albums/y389/domneng/Spoun%20Midada/407165_513633008694232_227610602_n_zps56bfb75b.jpg
https://i1272.photobucket.com/albums/y389/domneng/Spoun%20Midada/554946_506216306102569_2099639334_n_zpsa52e2909.jpg
https://i1272.photobucket.com/albums/y389/domneng/Spoun%20Midada/RHMCDVol4761_zps1792b3f8.jpg
មតិយោបល់