Post News Media ព័ត៌មានជាតិ សាវិន ហ្វីលីព...

សាវិន ហ្វីលីព ក្លាយជាមេឧក្រិដ្ឋជនក្នុងផ្ទាំងក្រណាត់សខ្នាតធំ

ភ្នំពេញ: តារាសម្តែង ដែលគិតរឿងមនុស្សធម៌ ជារឿងធំ លោក សាវិន ហ្វីលីព បានធ្វើការអះអាងថា លោកបានក្លាយជាតួឧក្រិដ្ឋជន ក្នុងភាយន្តខ្នាតធំ លំដាប់ហូលីវ៉ូដ ក្រោមចំណងជើងថា JailBreak ដែលបានធ្វើសន្នីសីទកាសែតនៅរាត្រីថ្ងៃទី១៧ ខែមិថុនា ឆ្នាំ២០១៦នេះ នៅ BurgerLab មហាវិថីនរោត្តម។

ភាពយន្ត JailBreak មានការចូលរួមសម្តែងពីតារាដ៏ល្បីល្បាញ ពីប្រទេសបារាំង នាង សេលី ត្រង់ លោក ជីន ប៉ូលី ហៅ Sora ។ សម្រាប់តួខ្មែរធំៗ ដែលចូលរួមសម្តែងមាន លោក សាវិន ហ្វីលីព កញ្ញា សំ ថារ័ត្ន និងតារាប្រុសស្រីល្បីៗ ជាច្រើនទៀត ។
លោក សាវិន ហ្វីលីព បានមានប្រសាសន៍ថា «ក្នុងភាពយន្ត JailBreak នេះខ្ញុំដើរតួជា មេឧក្រិដ្ឋជន មានឈ្មោះថា PlayBoy ហើយរឿងនេះដែរ គ្រោងនឹងថតនៅដើមខែកក្កដា ខាងមុខនេះ»។

តារាដែលគ្រោងនឹងធ្វើសប្បុរសធម៌ នៅថ្ងៃទី២៣ ខែមិថុនា នៅលើទឹកដីខេត្ត មណ្ឌលគិរីដើម្បីចែកកង់ និងសម្ភារ:ដល់សិស្សានុសិស្សជាកូនចៅជនជាតិភាគតិច ក៏បានបង្ហើបឲ្យដឹងថា មូលហេតុដែលផលិតករបរទេសជ្រើសរើសយកលោក ដោយសារតែពួកគាត់គិតថា លោកអាចនិយាយភាសាអង់គ្លេសបាន ប្រវត្តិការងារល្អ មានទំនាក់ទំនងល្អមនុស្សជុំវិញខ្លួន ។

លោក សាវិន ហ្វីលីព បានបង្ហើបចំណុចពិសេសមួយទៀតថា«Director ជាជនជាតិគេបាននិយាយប្រាប់ខ្ញុំថា ខ្ញុំជាបុគ្គលម្នាក់ក្នុងពិភពសិល្ប: ធ្វើសប្បុរធម៌ បានច្រើនជាង តារាដទៃទៀត ហេតុនេះហើទើបជ្រើសរើសយកលោកមកសម្តែងក្នុងភាពយន្តខ្នាតធំមួយនេះ» ។
ក្រៅពីភាពយន្តខ្នាតធំខាងលើ លោក សាវិន ហ្វីលីព នឹងចូលខ្លួនថតរឿងថ្មីខ្នាតធំរបស់បារាំង​ ផលិតដោយផលិតករអាម៉េរិក​ ក្នុងផលិតកម្ម The Exante International ដែលត្រូវថតនៅខែ តុលា ឆ្នាំ២០១៦ នេះ៕

Loading...