កាលពីថ្ងៃទី ១០ ខែ សីហា ឆ្នាំ ២០១៣ កន្លងទៅនេះ ប្រភពព័ត៌មានបរទេសនានានៅលើអនឡាញ បានបង្ហាញឲ្យដឹងថា តារាចម្រៀង Jonghyun (SHINee ) និង Kyungri (Nine Muses) មានទំនាក់ទំនងស្នេហាយ៉ាងអាថ៌កំបាំងជាមួយនឹងគ្នា ។ប្រភពព័ត៌មាននៅលើអនឡាញ បានបង្ហាញរូបភាពឲ្យដឹងថា គូស្នេហានេះបាននាំគ្នាទៅមើលកុន និងញ៉ាំអាហារពេលល្ងាចជាមួយនឹងគ្នា។ចំណែកអ្នកលេងនៅលើបណ្តាញអនឡាញដូចគ្នានេះដែរក៏បានបញ្ជាក់ថា រូបភាពដែលបានបង្ហាញនោះ ជារូបភាពពិត ដែលសមាជិកក្រុម SHINee និង Nine Muses មានភាពផ្អែមល្អែមជាមួយនឹងគ្នា។
នៅលើធ្វីតទ័រកាលពីថ្ងៃទី ១១ ខែ សីហា ឆ្នាំ ២០១៣ ម្សិលមិញនេះ បានឲ្យដឹងថា តារាចម្រៀង Jonghyun បានធ្វិតទ័រថា “នៅលើគេហទំព័រជាច្រើន ពេលនេះកំពុងចាប់អារម្មណ៍រឿងរបស់ខ្ញុំ ប៉ុន្តែគ្រាន់តែដឹងថា ខ្ញុំបានទៅមើលកុន ជាមួនឹងមិត្តភក្តិជាច្រើនតែប៉ុណ្ណោះ មិនដូចអ្វីដែលពួកគេបានចោទនោះទេ”។លោកបានបន្តថា មិត្តភក្តិរបស់ខ្ញុំបានប្រាប់ពីរឿងរ៉ាវនេះ ហើយពិតណាស់ដែលមនុស្សជាច្រើនចាប់អារម្មណ៍និងរីករាយចំពោះព័ត៌មាននេះ តែវាជារឿងមិនពិត ហើយក៏សូមទោសចំពោះអ្នកគ្រប់គ្នាផង ៕
https://i1272.photobucket.com/albums/y389/domneng/Decore/SHINee1_zps32f47ab3.jpg
https://i1272.photobucket.com/albums/y389/domneng/Decore/SHINee2_zpsa2eb5c0a.jpg
មតិយោបល់