យោងតាមប្រភពព័ត៌មានចិន បានឲ្យដឹងថា តារាចម្រៀង និងសម្ដែង លី តូវហ៊ូ (Andy Lau) រួមនឹងភរិយាមានបំណងចង់បានកូនប្រុសម្នាក់។
សារព័ត៌មានចិន QQ បានចុះផ្សាយថា មានគេប្រទះឃើញអ្នកស្រី Carol Chu ដែលជាបរិយារបស់ លី តូវហ៊ូ បានទៅរកគ្រូចិនសែ ដើម្បីទទួលដំបូន្មាន និងថ្នាំមួយចំនួន។
ព័ត៌មាននេះ វាចំពេលដែលមិត្តភ័ក្តិជិតស្និទ្ធរបស់ លី តូវហ៊ូ បាននិយាយថា លី តូវហ៊ូ គាត់ចង់បានកូនប្រុសម្នាក់ ដើម្បីកំដរកូនស្រីរបស់គាត់។ ជាមួយគ្នានេះផងដែរ កាលពីសប្ដាហ៍មុន លី តូវហ៊ូ និងបរិយា បានទៅកាន់វិហារមួយដើម្បីបួងសួងសុំកូនប្រុស។
បើតាមការបញ្ជាក់ឲ្យដឹងពីប្រភពដែលជិតស្និទ្ធ លី តូវហ៊ូ និងភរិយា តែងតែពិភាក្សាជាមួយនឹងគ្រូចិនសែ Chong Shum Kit ហើយកាលដែលអ្នកស្រី Carol មានគត៌ដំបូងក៏ដោយសារតែគ្រូម្នាក់នេះដែរ។
គួរបញ្ជាក់ផងដែរថា ភរិយារបស់ លី តូវហ៊ូ បានផ្ដល់កំណើរកូនស្រីដំបូងកាលពីខែឧសភា ឆ្នាំ ២០១២ ដែលមានឈ្មោះថា “Hanna Lau” ហើយចាប់តាំងពីកូនស្រីនេះកើតមក គេសង្គេតឃើញថា លី តូវហ៊ូ បានចំណាយពេលច្រើនជាងពេលមុនក្នុងការផ្ដល់ភាពកក់ក្ដៅដល់គ្រូសារ៕
មតិយោបល់