(បរទេស)៖ តារាចម្រៀងរ៉េបល្បីឈ្មោះរបស់អាមេរិកលោក Post Malone ទើបតែជះលុយរាប់លានដុល្លារ ដើម្បីកែសោភ័ណ្ឌភាពនៃទម្រង់ធ្មេញ ខណៈអ្នកគាំទ្រកំពុងតែមានការចាប់អារម្មណ៍តារារូបនេះគ្រប់គ្នា។

តារារ៉េបជនជាតិអាមេរិកាំង វ័យ២៥ឆ្នាំ ដេកលើគំនរលុយរូបនេះ បានយកពេជ្រដាំធ្មេញ ជាមួយតម្លៃរហូតទៅដល់ ១,៦ លានដុល្លារ។ លោក Thomas Connelly ដែលជាទន្តពេទ្យនោះ បាននិយាយថា លោកបានប្រើពេជ្រចំនួន ៤០ ការ៉ាត់ពីប្រទេសបែលហ្ស៊ិក និងអ៊ីស្រាអែល ដើម្បីបង្កើតជាធ្មេញសុប្បនិមិត្ត ដោយក្នុងនោះលោកបានដាក់ត្បូងពេជ្រទំហំ១២ការ៉ាត់ដោយជោគជ័យនៅលើធ្មេញរបស់តារាចម្រៀង Post Malone។

ទោះបីញញឹម និងសើចក៏មិនមែនជាបញ្ហាក្នុងការបញ្ចេញធ្មេញដាំពេញនោះដែរ សម្រាប់អ្នកដែលមានលុយច្រើន ប្រៀបបាននឹងសេដ្ឋីប្រាក់លានដូច Post Malone ព្រោះនៅពេលនេះប្រាក់លេងជាបញ្ហាសម្រាប់តារាប្រុស Malone ទៀតហើយ អ្វីដែលលោកកំពុងធ្វើបច្ចុប្បន្នគឺការកែលម្អខ្លួនប្រាណតាមចិត្តចង់…។

ប្រភព៖ Page Six Style