ដូចមហាជនអ្នកគាំទ្របានជ្រាបមកហើយថា ដោយសារតែកូវីដ១៩ កំពុងរាតត្បាតនោះ អ្នកសិសិល្បៈជាច្រើនហាក់ស្បើយពីការងារ។ ជាក់ស្ដែងគេមើលឃើញថា តារាកំប្លែងស្រីល្បីឈ្មោះ អ្នកនងា កាតុ ហាក់មិនសូវខ្វាយខ្វល់អ្វីឡើយ ដោយពេលនេះនាងកំពុងតែកាក់កបជាមួយនឹងមុខរបស់មួយនេះគួរសមដែរ ។

គេបានដឹងមកហើយថា តារាកំប្លែងស្រី និងជាតារាចម្រៀងនៅក្នុងផលិតកម្មថោនរូបនេះ បានចាប់ផ្ដើមអាជីវកម្មលក់គុយទាវនៅអំឡុងពេលកូវីដ១៩ បែបធម្មតាៗ ។ ក៏ប៉ុណ្ណោះតែនៅពេលដែលមានការគាំទ្រពីសំណាក់មហាជន និងមិត្តរួមអាជីពកាន់តែច្រើននោះ បានធ្វើឱ្យតារាកំប្លែងរូបនេះងាកមកបើកហាងធំដុំវិញម្តង ។

ក្នុងវ័យ៤០នេះ អ្នកនាង កាតុ បានក្លាយជាស្ត្រីដែលខ្លាំងម្នាក់ក្នុងមុខអាជីពអ្នករកស៊ី ដូចជា ផលិតផលសម្រស់ និងបានទទួលតំណែងធំមួយពីថៅពេជ្រមានឈ្មោះល្បីទៀតផង។ នេះជាហេតុដែលគេសន្និដ្ឋានថា អ្នកនាង កាតុ បានរយាលដៃពីសិល្បៈក្នុងរយៈពេលយូរគួរសម។ អ្នកនាង កាតុ ត្រូវបានគេចាត់ទុកជាតារាស្រីម្នាក់ដែលមានទេពកោសល្យខ្ពស់ ក្នុងការច្រៀង ចម្រៀងសម័យ និង បុរាណ ក្នុងមួយឆ្នាំៗនាងរកប្រាក់ចំណូលបានយ៉ាងច្រើនពីវិស័យ នេះមិនចាញ់មិត្តភក្តិរួមជំនាន់ឡើយ។ អាជីពច្រៀងការនេះបានធ្វើឱ្យជីវភាពអ្នកនាងកាន់តែធូធារឡើង។ តែជាងពីរឆ្នាំមកនេះ គេពុំឃើញវត្តមានតារាកំប្លែងរូបនេះ ក្នុងពិធីច្រៀងការឡើយ ដោយសារតែកម្មវិធីនានាត្រូវបានផ្អាក ព្រោះតែការរីករាលដាលនៃជំងឺកូវីដ ១៩ ៕