ភ្នំពេញ៖ទំនងជាមានកំហឹង ជាមួយនឹងក្រសួង វប្បធម៌ កវីនិពន្ធរបស់ផលិតកម្ម ថោនបាន ជះកំហឹងនៅលើហ្វេសប៊ុក ដោយសរសេរ លើគណនីរបស់ខ្លួនរិះគន់ចំៗ ទៅលើ ក្រសួងមួយនេះ ។កាល ពីថ្ងៃទី ៤ ខែ មិថុនា ឆ្នាំ ២០១៤ កវីវ័យក្មេង ចំណេះដឹង តាក់តែងនិពន្ធចម្រៀង ពេញខួរ យឹម តាស្រង់ បាន សរសេរនៅលើ គណនី ហ្វេសប៊ុករបស់ខ្លួន ដោយជះកំហឹង រិះគន់ទៅលើ ក្រសួងវប្បធម៌ថា “គ្រាន់តែអង្គុយ៤ម៉ោងសោះរើសបទភ្លេងចិន និងថៃពិរោះៗអាចធ្វើជាបទខ្មែរបានឡើង៧០បទ ចំលងភ្លេងគេលឿនអ៊ីចឹងមិនបាច់ហត់ច្រើនដូចអង្គុយធ្វើ Melody ថ្មីខ្លួនឯង Melody ថ្មីមួយថ្ងៃអត់បាន មួយបទផង ចំលងខ្លះទៅដើម្បីលើកមុខមាត់ក្រសួងវប្បធម័ខ្មែរយើងខ្លះ ព្រោះក្រសួងបានតែបិទ Karaoke បទខ្មែរ ចំណែកបទបរទេសចាក់ពេញទូរទស្សន៏សុទ្ធតែរាំសិចស៊ីហូសហេតុកោតតែអោយចាក់ ខ្លាំងបានតែខ្មែរឯង” ។
ការរិះគន់ដែលបង្កប់ន័យទៅលើក្រសួងវប្បធម៌ ដូចយកអាចម៌ ជះទាំងកន្ធោនេះ ត្រូវបានគេជឿជាក់ថា “កវី យឹម តាស្រង់ ខឹង នឹងក្រសួងវប្បធម៌ ដែលបើកភ្នែកម្ខាង បិទម្ខាង ស្តាប់លិច ចេញកើត ខណៈកន្លងមក បានហាមប្រាមមិនឲ្យបទ របស់ផលិតកម្ម ថោន ផ្សព្វផ្សាយពេញទី លើកញ្ជក់ទូរទស្សន៍ ដោយថា បទផលិតកម្មថោន ដែលចេញសម្រាប់ពិធីចូលឆ្នាំ កន្លងមក សុទ្ធសឹងតែបង្កប់ន័យ អាសអាភាស ” ។ ភាពលំអៀងនេះ ហើយ ដែលជាដើមហេតុ ធ្វើឲ្យ កវី យឹម តាស្រង់ រិះគន់ទៅលើក្រសួង ថាគ្មានភាពយុត្តិធម៌ សម្រាប់ខ្លួន និង ផលិតកម្ម ដោយ មើលឃើញតែផលប្រយោជន៍ចូលក្នុងហោប៉ៅ ដោយអនុញ្ញាតិ ឲ្យបទ បរទេស ដែលមានលក្ខណៈ សិចស៊ី ចាក់ពាស់ពេញ ទូរទស្សន៍ ទៅវិញ ។
ទន្ទឹមជាមួយនឹងគ្នានេះដែរ មហាជន ជាច្រើន ក៏មានប្រតិកម្ម ដែរ ជាមួយនឹងក្រសួងវប្បធម៌ ជាពិសេស អ្នកលេងហ្វេសប៊ុក ដែលជាមិត្តរបស់ យឹម តាស្រង់ បានបញ្ចេញមតិថា “ក្រសួងវប្បធម៌ធ្វើការ មិនកើតនោះទេ អភិរក្សជ្រុលពេក” ។ តើចំណុចរិះគន់របស់ អ្នកលេងហ្វេសប៊ុក និង កវីខាងលើ ក្រសួង មានប្រតិកម្ម អ្វីដែរ ដើម្បីឆ្លើយតប ? ៕
https://i1272.photobucket.com/albums/y389/domneng/2013-04/Irina%20Shayk/YemTasrong_zps7ba0b329.jpg
https://i1272.photobucket.com/albums/y389/domneng/2013-04/Irina%20Shayk/YemTasrong_zps8ac27bd6.png
មតិយោបល់