ស្រ្តីជនជាតិម្នាក់បានបើករថយន្តក្នុងល្បឿនលឿន ជ្រុលបុក បុរសម្នាក់កំពុងដើរតាមផ្លូវ រួចបន្តទៅបុករថយន្តចតនៅចិញ្ជើមផ្លូវចំនួន០៤គ្រឿងបន្ថែមទៀត ទើបរថយន្តទៅមុខលែងរួច។ ហេតុការណ៍នេះបានកើតឡើងនៅវេលាម៉ោង១០ និង៥០នាទីព្រឹកថ្ងៃទី១៩ ខែកញ្ញា ឆ្នាំ២០២១ នៅចំណុចក្បែរអតីតក្រសួងរៀបចំដែនដី នគរូបនីយកម្ម និងសំណង់ មានទីតាំងស្ថិតនៅ តាមបណ្ដោយមហាវិថីព្រះមុនីវង្ស សង្កាត់បឹងត្របែក ខណ្ឌចម្ការមនរាជធានីភ្នំពេញ។
តាមសាក្សីនៅកន្លែងកើតហេតុបានឲ្យដឹងថា មានបុរសម្នាក់ដើរតាមបណ្ដោយមហាវិថីព្រះមុនីវង្ស ក្នុងទិសដៅពីជើងទៅត្បូង ស្រាប់តែមានស្ត្រីវ័យក្មេងម្នាក់បើកបររថយន្តសេរីទំនើបម៉ាក Rangrover ពណ៌ស ពាក់ស្លាកលេខភ្នំពេញ 2AL-2013 តាមបណ្ដោយមហាវិថីព្រះមុនីវង្ស ស្របទិសគ្នាជាមួយអ្នកដើរ ក្នុងល្បឿនលឿន បណ្ដាលបុកអ្នកដើរពីក្រោយយ៉ាងពេញទំហឹង។ រួចរថយន្តរ៉េចង្កូតទៅបុករថយន្តចតនៅចិញ្ចើមផ្លូវចំនួន០៤គ្រឿង រងការខូចខាតបន្ថែម រួចរថយន្តបង្កថយក្រោយប្រុងបើកគេច មកកិនបុរសរងគ្រោះបន្ថែមទៀត ទើបបណ្ដាលឲ្យស្លាប់ភ្លាមៗនៅកន្លែងហេតុតែម្ដង។
ក្រោយពេលកើតហេតុភ្លាមៗនគរបាល ចរាចរណ៍នៅប្រចាំការគោលដៅក្បែរទីតាំងកើតហេតុ បានឃាត់ខ្លួនស្រ្តីជនជាតិចិនអ្នកបើកបរនោះប្រគល់ជូននគរបាលប៉ុស្តិ៍រដ្ឋបាលបឹងត្របែក ដើម្បីសួរនាំ។
ប្រភព៖ កម្ពុជាថ្មី
មតិយោបល់