(ភ្នំពេញ)៖ តារាសម្តែងកូរ៉េ “Lee Jung Jae” និង “Jung Ho Yeon” ទទួលពានរង្វាន់អន្តរជាតិ “SAG Awards 2022” របស់ American Actors Guild។ដោយ “Lee Jung Jae” ដែលជាតារាប្រុសអាស៊ី

ដំបូងគេដែលឈ្នះពានរង្វាន់នេះបានថ្លែងក្នុងពេលទទួលពានរង្វាន់ថានេះជារង្វាន់ដ៏មានកិត្យានុភាពសម្រាប់គាត់។ Lee Jung Jae ក៏បាន សម្ដែងអគុណយ៉ាងធំធេងចំពោះទស្សនិកជនដែលគាំទ្ររឿងភាគ “Squid Game”។

ទន្ទឹមនឹងនេះ Jung Ho Yeon បានស្រក់ទឹកភ្នែកដោយក្តីរីករាយនៅពេលនាងបានដឹងថា ឈ្នះពានរង្វាន់ SAG ពីការតែងតាំងដំបូង។ Jung Ho Yeon ថ្លែងអំណរគុណដល់សិល្បករ សិល្បការិនីរាមច្បងទាំងអស់ដែលបានជួយជំរុញចិត្តនាងឲ្យក្លាយជាតារាសម្ដែងរហូតដល់សព្វថ្ងៃ និងធ្វើឱ្យសុបិននាងក្លាយជាការពិត៕