(ភ្នំពេញ)៖ បេក្ខជន ទុំ សុវត្ថិ គឺជា បេក្ខភាព ដែល ចូលរួមប្រកួតកម្មវិធី Cambodian Idol សប្ដាហ៍ទី ៤ វគ្គ Judge Audition ប៉ុន្តែគួរឲ្យស្ដាយ លោកមិនអាច ទៅវគ្គបន្តបានទេ ជាហេតុមហាជនកើតការមិនសុខចិត្ត ព្រោះ ផ្អែកលើសំឡេង គ្រប់គ្នាគិតថាមិនសមនឹងធ្លាក់ឡើយ។

ដោយសារក្ដីអាណិត និងមិនអស់ចិត្ត អ្នកប្រើបណ្ដាញសង្គម ជាច្រើន កើតការមិនសុខចិត្ត ដោយលើកប្រធានបទមកវែកញែកជា ច្រើនថា «ទុំ សុវត្ថិ ច្រៀងពីរោះប៉ុណ្ណឹងដែរ តែគណ:កម្មការមិនឲ្យជាប់»។ ពេលនេះ ដំណឹង ល្អបាន កើតឡើងហើយ ដោយមុននេះ ឧកញ៉ា ខេមរ: សិរីមន្ត បាន បង្ហោះ លើទំព័រហ្វេសប៊ុកផ្លូវការ ដោយលើកទឹកចិត្ត សុវត្ថិ ក៏ដូចជាប្រកាស ស្វែង រកលោកទៀតផង។

ខេមរ: សិរីមន្ត៖ «កុំបាក់ទឹកចិត្តអីប្អូនស៊ូៗបងសូមលើកទឹកចិត្តប្អូននៅថវិការ1000$មានសមត្ថភាពពិតតស៊ូគង់បានសម្រេចមានបងប្អូនណាស្គាល់លេខគាត់អត់ជួយប្រាប់ផង »។

ចាត់ទុកថា ជាដំណឹង ល្អបំផុត ហើយមហាជន មាន ការសាទរជា ខ្លាំង ក្រោយឃើញដំណឹងនេះ។ ជាមួយគ្នានោះ គ្រប់គ្នា ក៏សង្ឃឹមថា យុវជន ដែល មាន សមត្ថភាព រូបនេះ នឹង ទទួលបាន ជោគជ័យនៅពេល អនាគត ប្រសិន លោកខិតខំប្រឹងប្រែងបន្ត ហើយមិនចុះចាញ់នឹងការបរាជ័យ៕