នាង Noor Tagouri ពិធីការីព័ត៌មានវ័យ ២២ ឆ្នាំ ជានារីជនជាតិឥស្លាមដំបូង ដែលបានថតរូបបង្ហាញខ្លួនក្នុងចង្កោមអ្នកលេង ផ្លេប៊យ សម្រាប់អាល់ប៊ុមរូបថតក្នុងខែតុលា​។ នេះដោយយោងតាម គេហទំព័រ TV Pool ចុះផ្សាយថៃ្ងទី៩ ខែតុលា​ ឆ្នាំ២០១៦។

យ៉ាងណាក៏ដោយ បន្ទាប់ពីនាងបានថតរូបម៉ូដែលរួច រូបរបស់នាងឥស្លាមម្នាក់នេះ ត្រូវបានចែករំលែកមកពិភពក្រៅក្រុម រហូតដល់មានការរិះគន់ វិភាគចំពោះនាងជាច្រើនថា នាងមិនសមទៅចូលក្រុម ផ្លេប៊យ​ ដែលហ៊ានប្រព្រឹត្តខុសក្រឹត្យវិន័យជនជាតិឥស្លាមសោះ បើទោះបីជានាងហ៊ានថតស្រាត ឬ ប្រឡូកនិយោបាយក្នុងសង្គមក៏ដោយទៅចុះ តើចាំបាច់អីបង្ហាញប្រាប់ពិភពលោកថា​នាងជាជនជាតិឥស្លាម។

គួរបញ្ចាក់ដែរថា ការរិះគន់នេះមិនត្រឹមវាយប្រហាមកលើនារីជនជាតិឥស្លាមម្នាក់ទេ តែបានបង្កភាពឈឺចាប់ចំពោះស្ត្រីជនជាតិឥស្លាមទាំងមូល ព្រោះពួកគេសម្លឹងមកនាង ជាវត្ថុសម្រាប់បម្រើផ្លូវកាមគុណរបស់បុរស បើសិនជានាង Noor Tagouri ចង់ប្រឡូកផ្លូវមួយនេះ ក៏គួរដើរត្រូវគោលដៅផង៕