ភិន សុដាលីស ទម្លាយសារដ៏ឈឺចាប់ ក្រោយស្ត្រីម្នាក់ចោទ

ខណៈដែលរឿង ភិន សុដាលីស និង ប៉ែន ចំរ៉ុង ក្លាយជាអាយ៉ៃឆ្លងឆ្លើយគ្នា មិនចេះចប់មិនចេះដាច់នោះ នៅព្រឹកថ្ងៃទី៣១ ខែតុលា ឆ្នាំ២០១៦ អ្នកមេម៉ាយវ័យក្មេង សុដាលីស បានបង្ហាញសារដ៏ឈឺចាប់របស់នាង គាប់ជួននឹងស្ត្រីម្នាក់ធ្វើការចោទប្រកាន់ចំពោះរូបនាង។
ខាងក្រោមនេះដែរ ជាសារដ៏វែងអន្លាយ ដែល ភិន សុដាលីស បានសរសេរនៅលើ ហ្វេសប៊ុក ៖

ស្តាប់លេងៗមើល សំលេងណាគេន៎ ? #នៅមានច្រើនទៀតអ្នកណាដែលធ្វើរឿងអោយកក្រើកអោយប្រាកដ? បើរាល់ពត៌មានសុទ្ធតែក្រុមចែឯងអ្នកដុតមកចឹងៗអីនៀក គេមិនធ្វើដោយខ្លួនគេផ្ទាល់ទេ គឺគេខ្ចីចែឯងប៉ុន្មានអ្នកហ្នឹង ជួយរៀបរាប់ជំនួសគេអស់សំណើចដល់ហើយ ចែអើយ ឯណាសុំមើលសារហ្នឹងតិចមើល ខ្ញុំបានផ្ញើរថ្ងៃខែណា? ចែឯងនេះចេះតែហ៊ាននាំពាក្យហើយ មានជាអាត់សំលេងជាភស្តុតាងផង កុំចេះតែនិយាយផ្តេសផ្តាសណា និយាយត្រូវមានភស្តុតាង កុំខំពេកចែ បានអីមកវិញ ខ្ញុំធ្លាប់ផ្ញើរសារទៅមែន ផ្ញើរទៅនៅពេលគេទៅចោលខ្ញុំនិងកូនដំបូងៗម៉េះ ផ្ញើរទៅអង្វរគេថា ” អោយគេត្រលប់មកវិញ ត្រូវគ្នាវិញ អាណិតកូន ម៉េចក៏ទុកខ្ញុំចោលនៅផ្ទះជួលម្នាក់ឯង ”។

បន្ទាប់មកនៅពេលដែលប៉ាគាត់ដឹងថាគេទៅចោល ហើយទុកយើងអោយនៅផ្ទះជួលម្នាក់ឯង យើងនេះខំទៅអង្វរគេទៀតថាឲ្យត្រូវគ្នាវិញទៅអង្វរម្តងហើយម្តងទៀត ហើយកុំទៅឆ្លើយតបសារពត៌មានជាមួយប៉ាអី ព្រោះតែមិនចង់អោយអ្នកណាដឹងថាគេបានបោះបង់យើងចោលជាមួយកូន ខ្លាចគេធ្លាក់កូដ ខ្លាចទស្សនិកជនស្អប់គេខ្លាចរូបភាពដែលកើតឡើងផ្សេងៗទៀតតែគេនៅតែមិនខ្វល់ថែមទាំងបោះពាក្យមកវិញថា”ការពិតនៅតែជាការពិត មុនក្រោយគេគង់តែដឹង ឈប់ខលទៅគេទៀត គេបានដាក់ពាក្យទៅតុលាការហើយ ចាំតែតុលាការខលទៅ ហើយលែងលះគ្នាទៅ” ថាមើលយើងមានអារម្មណ៍ម៉េច ហើយឡើងគេធ្វើចឹងដាក់ហើយ នៅខ្វល់ពីរឿងគេល្បីមិនល្បីទៀត តែតាំងពីត្រលប់មកពីការកោះហៅរបស់តុលាការលើកទី១មក ភ្ញាក់ខ្លួនម៉ង ដូចខ្មោចចេញ ដូចត្រូវគេធ្វើអំពើចឹង ម៉េចក៏មិនឆ្ងល់ថាការកោះហៅលើកទី២ និងទី៣ ម៉េចក៏ខ្ញុំមិនទៅ ម៉េចក៏ឲ្យមេធាវីទៅជំនួស? ដោយសារតែវាឆ្អែតគ្រប់គ្រាន់ហើយ មិនបាច់ជួបមុខទៀតទេ លក្ខណៈថាគូសថ្មចំណាំហើយ កុំថាឡើយទៅផ្ញើរសារដូចចែឯងនិយាយចឹង ព្រឺសំបុរណាស់ចែ ចង់សួរទៅបណ្តាចែចែនិងមនុស្សមួយចំនួនតូចដែលត្រូវបានគេខ្ចីមាត់មកឈ្លោះជាមួយគ្រួសារខ្ញុំនៀក ថាគេមានបានប្រាប់រឿងនេះទៅចែចឹងអត់? ហើយដែលថាដឹងរឿងច្បាស់ខ្លាំងហ្នឹងហា៎ ដឹងច្បាស់ដល់កំរិតណា? នៅផ្ទះជាមួយគ្នាដែលមែនពេលហ្នឹង? ហើយខ្ញុំទៅប៉ះពាល់អ្នកឯងពីកាល ម៉េចបានចូលចិត្តចេះតែមកខាំខ្ញុំចឹង #ខ្ចិលនិយាយ #ចែណាមានខ្លួនរើសយកទៅ #ចែអើយចែ ។

ជាមួយនោះលោកអ៊ិន សុភិនឯណោះវិញក៏បានបង្ហោះសារតបនឹងក្រុមអ្នកដើរសាយភាពព័ត៌មានថាកូនស្រីលោកបានលួចផ្ញើសារទៅប៉ែន ចំរ៉ុង តែបែរជាមកបំបាក់មុខលោកប៉ែន ចំរ៉ុងតែម្នាក់ឯងនោះផងដែរ។ លោកបានសរសេរថា«សូមអរគុណបងៗសារពត័មានតែងតែចុះពត័មានជាហូរហែតាំងពីដើមមកអំពីរឿងរបស់កូនស្រីខ្ញុំ។ ថ្ងៃអាទិត្យនេះក៏ចុះទៀតរហូតដល់អ្នកមើលប្រហែលជាធុញទ្រាន់ហើយមើលទៅ.ឆ្លៀតក្នុងឱកាស់នេះខ្ញុំចង់និយាយថាមកទល់ពេលនេះក្រុមគ្រួសាររបស់ខ្ញុំបានជួបជុំគ្នាវិញហើយតាំងពីដើមខែ៦ម្លេះ រួមទាំងបានចៅស្រីម្នាក់ទៀតក្នុងនាមជាឱពុកខ្ញុំសប្បាយចិត្តណាស់ដោយឃើញកូនស្រីនៅមានជីវិតត្រឡប់មកវិញដោយមានសុវត្តិភាពហើយមិនអាចបកក្រោយវិញទៅជាន់ដានដ៏សែនឈឺចាប់រយះពេលពេញ១ឆ្នាំនេះជាបទពិសោធ៏សំរាប់យុវវយ័។ សង្ឃឹមថារឿងនេះនឹងបញ្ចប់ត្រឹមនេះទៅចុះព្រោះមានការងារច្រើនណាស់ដែលយើងត្រូវធ្វើបន្តទៀតដើម្បីចិញ្ចឹមជីវិតរៀងៗខ្លួន។»។
នេះជាសារមួយថ្មីដែលត្រូវគេឃើញភាគីទាំងពីរធ្វើការវាយបកជាថ្មីទៅក្រុមអ្នកកាន់ជើងលោកប៉ែន ចំរ៉ុង និងលោកប៉ែន ចំរ៉ុង ដែលមិនដឹងថារឿងជម្លោះដ៏ចម្រូងចម្រាស់មួយនេះ ថ្ងៃណានឹងចប់៕
phinsodalis-6