ម្ចាស់បទ «កាដូគ្មានន័យ» និង «ពាក់ចិញ្ចៀន» កាលពីរាត្រីយប់មិញនេះ បានធ្វើឲ្យក្លឹបកម្សាន្ត​ពេលរាត្រីមួយកន្លែង កក្រើក ក៏ព្រោះ តែអតីត​ម្ចាស់បទនេះ បានបង្ហាញវត្តមានវិញ ដែល​ធ្វើឲ្យទស្សនិកជន ភ្ញាក់ផ្អើល ។​

លោក មួន ម៉ារ៉ា ជា​តារាចម្រៀងទី​២ ហើយ ដែលបានបង្ហាញវត្តមាន បន្ទាប់ពីតារាចម្រៀង ស្រករគ្នា លោក សាន ផានិត ជាអ្នកទី​១ បានបង្ហាញវត្តមាន​វិញ ជិតកន្លះឆ្នាំមកនេះ​។​

វត្តមាន​វិលវិញរបស់មួន ម៉ារ៉ា ក្នុងវិថីសិល្ប: គឺគេឃើញលោក បង្ហាញសំនៀង ក្នុងក្លឹបកម្សាន្ត ដោយលើកបទ លោកល្បីល្បាញ ជា​ង១០ឆ្នាំមុនមកច្រៀង ក្រោមចំណងជើងថា «ពាក់ចិញ្ចៀន» ។​

កន្លងមកពាក់ព័ន្ធនឹង​ការវិលចូលសិល្ប: ក៏ដូចជា​យកបទចម្រៀង​ចាស់ៗរបស់លោក​មួយចំនួន ធ្វើជាបទ ស្នាដៃនិពន្ធ​ថ្មីនេះ លោក មួន​ ម៉ារ៉ា ពេលនោះបានឆ្លើយបដិសេធ និងបានបិទ​ទូរស័ព្ទ ដោយប្រាប់យ៉ាងខ្លីថា លោកកំពុងជាប់ប្រជុំ សូមទោស​ចាំខ្ញុំខលទៅវិញ ៕​

ទស្សនាការបង្ហាញវត្តមានរបស់ លោក មួន ម៉ារ៉ា ដូចខាងក្រោមនេះ៖
//www.youtube.com/watch?v=vPvxUSTizIM&feature=youtu.be