កំពង់ធំ: នៅថ្ងៃទី២៣ ខែវិច្ឆិកា ឆ្នាំ២០១៦ វេលាម៉ោង៧និង៣០នាទីព្រឹក មានករណីឆក់ខ្សែងភ្លើងមួយបានកើតឡើង បណ្តាលឲ្យបុរស២នាក់របួសធ្ងន់ នៅចំណុចមុខផ្ទះឈ្មោះ ស្រ៊ុន វណ្ណា ភូមិល្វាសរក្រោម ឃុំល្វាសរ ស្រុកល្វាឯម ខេត្តកណ្តាល។

សមត្ថកិច្ចបានឲ្យដឹងថា ជនរងគ្រោះទាំង២នាក់មាន ទី១.ឈ្មោះ រិន កា អាយុ២៨ឆ្នាំ ជនជាតិខ្មែរ មានទីលំនៅភូមិសំរោង ឃុំបារាយ ស្រុកបារាយ ខេត្តកំពង់ធំ និងទី២.ឈ្មោះ កៅ គុន អាយុ៣២ឆ្នាំ ជនជាតិខ្មែរ មានទីលំនៅភូមិត្រពាំខ្ទឹម ឃុំប្រាសាទបាគង ស្រុកប្រាសាទបាគង ខេត្តសៀមរាប។ ទាំង២នាក់មានមុខរបរជាបុគ្គលិកក្រុមហ៊ុនម៉េតហ្វូន។

សមត្ថកិច្ចបន្តថា នៅថ្ងៃទី២៣ ខែវិច្ឆិកា ឆ្នាំ២០១៦ វេលាម៉ោង៧និង៣០នាទីព្រឹក មានបុគ្គលិកក្រុមហ៊ុនម៉េតហ្វូនចំនួន៩នាក់ ដើរលើកខ្សែអ៊ុបទិច
ដាក់លើបង្គោលភ្លើង ដោយបង្គោលភ្លើងមានបញ្ហាបណ្តាលឲ្យឆក់បុគ្គលិកចំនួន២នាក់បន្ទាប់មកក្រុមការងារ និងសមត្ថកិច្ចជួយចាប់ទាញសង្គ្រោះបានទាន់ពេលវេលា រួចបញ្ជូនមកមណ្ឌលសុខភាពឃុំល្វាសរ តែមិនបណ្តាលឲ្យមានគ្រោះថ្នាក់ដល់អាយុជីវិតឡើយ៕