កណ្តាលៈ ដោយមានការយកចិត្តទុកដាក់ពីសមត្ថកិច្ចនគរបាលស្រុកអង្គស្នួល ខេត្តកណ្តាល បានបើកប្រតិបត្តិការបង្ក្រាបករណីគ្រឿងញៀន និងធ្វើការឃាត់ខ្លួនជនសង្ស័យចំនួន២នាក់ ករណីជួញដូរដោយខុសច្បាប់នូវសាធាតុញៀន(ម៉ាទឹកកក)ដែលហេតុការណ៍នេះ បានកើតឡើងថ្ងៃទី២៤ ខែវិច្ឆិកា ឆ្នាំ២០១៦ វេលាម៉ោង៣.៣០នាទីរសៀល នៅចំណុចផ្លូវលំស្ថិតនៅភូមិទឹកជាពើកស្រុកអង្គស្នួលខេត្តកណ្តាល។

បើតាមលោកវរៈសេនីយ៍ទោ មាន សំណាង អធិការស្រុកបានប្រាប់ថា ជនសង្ស័យមានចំនួន០២នាក់ទី១មានឈ្មោះសុខ សាន្តភេទប្រុសអាយុ២១ឆ្នាំ(ឃាត់ខ្លួន) មុខរបរកម្មករសំណង់ និងរស់នៅភូមិត្រពាំងពើក ឃុំបែកចាន ស្រុកអង្គស្នួល ខេត្តកណ្តាល និងទី២មានឈ្មោះ ថុល រិនដា ភេទប្រុសអាយុ២៩ឆ្នាំមុខរបរមិនពិតប្រាកដនិងរស់នៅភូមិឃុំជាមួយគ្នា(ឃាត់ខ្លួន)។

លោកមានសំណាងបានបន្តថា នៅក្នុងអំឡុងបើកប្រតិបត្តិការបង្គ្រាប់ករណីគ្រឿងញៀនខាងលើនេះនិងសមត្ថកិច្ចធ្វើការដកហូតបានវត្ថុតាងម៉្សៅក្រាមពណ៌សថ្លាសង្ស័យជាសាធាតុញៀន(ម៉ាទឹកកក)ចំនួន០៧កញ្ចប់តូច, ទូរស័ឮដៃ០៣គ្រឿង, ដាវដែក០១, កាំបិតផ្កាក់០១, -កាំបិតតាំងតោ០១ និងឧបករណ៍ប្រើប្រាស់និងថង់សំរាប់វេចខ្ចប់ថ្នាំញៀនមួយចំនួន។

លោកមានសំណាងបានបន្តទៀតថានៅមុនពេលកើតហេតុសមត្ថកិច្ចបានទទួលព័ត៌មានពីកម្លាំងនៅមូលដ្ឋានថាមានជនសង្ស័យកំពង់ជួញដូរថ្នាំញៀននៅត្រង់ចំណុចខាងលើចុះបង្គ្រាបឃាត់ខ្លួនជនសង្ស័យម្នាក់រួមជាមួយថ្នាំញៀនចំនួន០៧កញ្ចប់តូចនៅក្នុងកញ្ចប់បារីហ្វីន។

លោកអធិការស្រុកបានឲ្យដឹងទៀតថា តាមចម្លើយសារភាពរបស់ជនសង្ស័យបានឆ្លើយថាចំពោះថ្នាំញៀនខាងលើនេះគេបានទិញពីឈ្មោះថុល រិនដា នៅភូមិត្រពាំង និងឈ្មោះដាំណារ៉ាន់ ហៅនាគ ភេទប្រុស អាយុ៣៥ឆ្នាំ(គេចខ្លួន)។និងសំគោលការពីឧត្តមសេនីយ៍ទោ អ៊ាវ ចំរើន ស្នងការខេត្តនិងឯកភាពពីលោកព្រះរាជអាជ្ញាខេត្តកបានដឹកនាំកម្លាំងចុះទៅធ្វើការឆែកឆេនិងរកឃើញតែវត្ថុតាងកាំបិតនិងឧបករណ៍ប្រើប្រាស់ថ្នាំញៀន។
ចំពោះជនសង្ស័យកំពង់ឃុំខ្លួនបណ្តោះអាសន្ននៅអធិការស្រុកដើម្បីកសាងសំណុំរឿងបញ្ចូនខ្លួនឡើងតុលាការចាត់ការតាមនិតិវិធីច្បាប់៕

https://youtu.be/f8wEQPGQt1E