ភ្នំពេញ: នារីស្រស់ស្អាតម្នាក់ត្រូវជនសង្ស័យមានគ្នា៣នាក់ជិះម៉ូតូមួយគ្រឿងម៉ាក PCX មិនចាំស្លាកលេខប្រហែល 6886 ប្រដាប់ដោយកាំភ្លើងខ្លីមួយដើមមិនស្កាល់ម៉ាក បានគំរាមភ្ជង់ប្លន់ម៉ូតូម៉ាក ZoomerX ឆ្នាំ២០១៦ ពណ៌ស ពាក់ស្លាកលេខភ្នំពេញ1FN-3838 បានសម្រេច នៅចំនុចផ្លូវលេខ២៤៨ កែងនិងផ្លូវ១៤៣ សង្កាត់វាលវង់ ខណ្ឌ៧មករា រាជធានីភ្នំពេញ កាលពីម៉ោង៩និង០៥នាទីយប់ ថ្ងៃទី២៤ ខែវិច្ឆិកា ឆ្នាំ២០១៦ ។

នារីវ័យក្មេងស្រស់ស្អាតបានប្រាប់ព័ត៌មានដោយស្មារតីភិតភ័យខ្មាសអៀនផង ថានាងបានជិះម៉ូតូចាកចេញពីធ្វើការមកជិតដល់ផ្ទះត្រូវបានក្រុមជនសង្ស័យជិះម៉ូតូមកកាក់ហើយដកកាំភ្លើងភ្ជង់ប្លន់យកម៉ូតូជិះចេញទៅដោយសុវត្ថិភាព និង មិនរំខានសមត្ថកិច្ចខណ្ឌ៧មករាបន្តិចសោះឡើយ។ នារីរងគ្រោះបានស្រែកថាចោរៗ ត្រូវបានជនសង្ស័យមានកាំភ្លើងគំរាមបាញ់សម្លាប់ទៀត ដូច្នេះនាងមិនហ៊ានស្រែកទេ។

ករណីប្លន់នាពេលរាត្រីក្បាលព្រលប់ បានបង្កឲ្យប្រជាពលរដ្ឋក្នុងមូលដ្ឋានរាជធានីភ្នំពេញក៏ដូចនៅក្នុងខណ្ឌ៧មករាមានការភិតភ័យដេកមិនលក់ទៀតហើយ ឯណាទៅភូមិឃុំមានសុវត្ថិភាព?៕