បាត់ដំបងៈ សាកសព ដែលមានសភាពហើមស្អុយរលួយទៅហើយ ត្រូវបានប្រជាពលរដ្ឋប្រទះឃើញក្នុងព្រៃ កាលពីវេលាម៉ោងជាង១រសៀលថ្ងៃទី២៨ ខែវិច្ឆិកា ឆ្នាំ២០១៦នេះ ស្ថិតនៅស្រុកសំពៅលូន ខេត្តបាត់ដំបង។ ក្រោយពីប្រទះឃើញ ក៏បានរាយការណ៍ជូនសមត្ថកិច្ចឲ្យចុះពិនិត្យនៅកន្លែងកើតហេតុ។

បន្ទាប់ពីសមត្ថកិច្ចចុះទៅដល់កន្លែងកើតហេតុបានឲ្យដឹងថា សាកសពជាបុរសមានអាយុប្រហែលជា៣០ឆ្នាំ ស្លៀកខោខូវប៊យ មិនទាន់ស្គាល់អត្តសញ្ញាណនៅឡើយទេ។ សមត្ថកិច្ចបានឲ្យដឹងទៀតថា បុរសខាងលើនេះ អាចនឹងស្លាប់ជាង១សប្ដាហ៍ទៅហើយ។

បច្ចុប្បន្នសមត្ថកិច្ចកំពុងស្រាវជ្រាវរកសាច់ញាតិ ដើម្បីមកទទួលយកធ្វើបុណ្យតាមប្រពៃណី៕