ពោធិ៍សាត់ៈ សាកសពបុរសម្នាក់ ត្រូវបានគេប្រទះឃើញ ធ្វើអត្តឃាតចងកសម្លាប់ខ្លួនជាប់ជាមួយនឹងដើមឈើ ស្លាប់យ៉ាងអាណោចអាធ័ម បង្កឲ្យមានការភ្ញាក់ផ្អើលកាលពីវេលាម៉ោង ៧និង ៣០នាទី យប់ថ្ងៃទី២៧ខែវិច្ឆិកា ឆ្នាំ២០១៦ ស្ថិតនៅចំណុចភូមិសំរោង ឃុំកញ្ជារ ស្រុកកញ្តៀង ខេត្តពោធិ៍សាត់ ។
សាកសពជនរងគ្រោះមានឈ្មោះ កែប ម៉ាប់ ភេទប្រុស អាយុ ២៥ឆ្នាំ ស្នាក់នៅក្នុងភូមិកើតហេតុខាងលើ។

ប្រភពព័ត៌មានពីក្រុមគ្រួសារជនរងគ្រោះបានឲ្យដឹងថា មុនពេលកើតហេតុ ជនរងគ្រោះត្រូវបានម្តាយស្តីបន្ទោស រឿងដែលខ្លួនបានជាន់ធុងស្ពេត្រូបែក ហើយត្រូវបានម្តាយបោះពាក្យសម្តីមកថា អាហ្អែងជាន់ធុងអញបែក អញឈប់ឲ្យប្រើហើយ ជាហេតុធ្វើឲ្យជនរងគ្រោះខឹងក៏ដើរចេញទៅបាត់ លុះព្រឹកឡើងនៅវេលាម៉ោង៦ ព្រឹក តែឃើញសាកសពជនរងគ្រោះធ្វើអត្តឃាត ចងកសម្លាប់ខ្លួនជាប់ជាមួយនឹងដើមធ្នាយ ចម្ងាយពីផ្ទះ១០០ម៉ែត្រ ក្នុងព្រៃគុម្ពឬស្សី ស្លាប់បាត់ទៅហើយ ។

ក្រោយពីកើតហេតុ សមត្ថកិច្ចនគរបាលជំនាញបានចុះមកធ្វើការពិនិត្យសាកសពដល់កន្លែងកើតហេតុ បានឲ្យដឹងថា សាកសពជនរងគ្រោះពិតជាស្លាប់ដោយការធ្វើអត្តឃាតចងកសម្លាប់ខ្លួនពិតប្រាកដមែន ហើយបច្ចុប្បន្នសាកសពជនរងគ្រោះត្រូវបានសមត្ថកិច្ចធ្វើកំណត់ហេតុ ប្រគល់ទៅឲ្យក្រុមគ្រួសារធ្វើបុណ្យតាមប្រពៃណី ៕