Post News Media ព័ត៌មានជាតិ ស្លាប់ភ្លាមៗន...

ស្លាប់ភ្លាមៗនៅនឹងកន្លែង បន្ទាប់គ្រោះថ្នាក់រថយន្តបុកម៉ូតូ

ត្បូងឃ្មុំ: បើតាមសមត្ថកិច្ច បានឲ្យដឹងថា នៅថ្ងៃទី២៥ ខែធ្នូ វេលាម៉ោង៧ និង៥០នាទី មានករណីគ្រោះថ្នាក់ចរាចរណ៍ រវាងរថយន្ត និងម៉ូតូ បណ្ដាលឲ្យមនុស្សម្នាក់ស្លាប់ នៅផ្លូវជាតិ លេខ១១ចំណុចន្លោះគីឡូម៉ែតលេខ៦៨/៦៩ ស្ថិតនៅភូមិអំពិលត្បូង ឃុំអំពិលតាពក ស្រុកអូរាំងឪ ខេត្តត្បូងឃ្មុំ។

ហេតុការណ៍នេះ បង្កឡើងដោយរថយន្តបែនម៉ាកហ៊ិនដាយ ពណ៏ស ពាក់ស្លាកលេខភ្នំពេញ 3D0302 មិនស្គាល់ឈ្មោះ និងអាស័យដ្ឋានអ្នកបើកបរ (ក្រោយកើតហេតុរត់គេចខ្លួន) បង្កជាមួយម៉ូតូម៉ាកហុងដាសេ១២៥ ពណ៏ខ្មៅ ពាក់ស្លាកលេខព្រៃវែង 1J1323 បើកបរដោយឈ្មោះផន ឡន ភេទស្រី អាយុ៤២ឆ្នាំ ជាតិខ្មែរ រស់នៅភូមិពានាជួរ ឃុំក្តឿងរាយ ស្រុកកញ្ជៀចខេត្តព្រៃវែង(ស្លាប់នៅកន្លែងកើតហេតុ)។

តាមសមត្ថកិច្ច បាននិយាយថា គ្រោះថ្នាក់នេះ គឺរថយន្ត​ និងម៉ូតូបានបើកបរក្នុងទិសដៅបញ្ច្រាសទិសគ្នា ដោយ
រថយន្តបើកពីទិសខាងត្បូងទៅជើង និងម៉ូតូបើកពីទិសខាងជើងទៅត្បូង ហើយក្រោយកើតហេតុ រថយន្តខូចខាតស្រាល និងម៉ូតូធ្ងន់។

ករណីនេះផ្នែកជំនាញបានធ្វើការដកហូតវត្ថុតាងយកទៅរក្សាទុក នៅអធិការដ្ឋាននគរបាលស្រុកអូរាំងឪ ដើម្បីកសាងសំណុំរឿងតាមនិតិវិធី​ ៕

Loading...