ត្បូងឃ្មុំៈ អគ្គិភ័យមួយបានឆាបឆេះផ្ទះប្រជាពលរដ្ឋយ៉ាងសន្ធោសន្ធៅ អស់ទាំងស្រុង កាលពីល្ងាចថ្ងៃទី២ ខែធ្នូ ឆ្នាំ២០១៦ ស្ថិតនៅចំណុចភូមិទួលអង្គ្រង ឃុំក្រែក ស្រុកពញាក្រែក ខេត្តត្បូងឃ្មុំ។

សមត្ថកិច្ចបានឲ្យដឹងថា ជនរងគ្រោះជាម្ចាស់ផ្ទះមានឈ្មោះ ធីវ ហាន ភេទប្រុស អាយុ៦៥ឆ្នាំ ស្នាក់នៅភូមិទួលអង្គ្រង ឃុំក្រែក ស្រុកពញាក្រែក ខេត្តត្បូងឃ្មុំ។

ម្ចាស់ផ្ទះកើតហេតុបានឲ្យដឹងទៀតថា ករណីអគ្គីភ័យនេះ កើតមានឡើងដោយសារទុស្សេខ្សែភ្លើង បង្កឲ្យមានការឆាបឆេះឡើង ចំណែកសម្ភារៈដែលខូចខាតរួមមាន ផ្ទះមួយខ្នង ដែលមានទំហំ ៧គុណ៨ ម៉ែត្រ ជញ្ជាំងក្ដាប្រក់ក្បឿង អង្ករ២បេ ស្រូវ ៨បេ ទូរទស្សន៍ ១គ្រឿង និងថវិកា ២០០,០០០រៀល ។ ហើយនៅក្នុងហេតុការណ៍អគ្គិភ័យនេះមិនបានបណ្តាលឲ្យនរណាមានរបួសដល់អាយុជីវិតនោះឡើយ៕