ស្ទឹងត្រែង:ផ្ទះរបស់អធិការរងស្រុកថាឡាបរិវ៉ាត់ម្នាក់ ឈ្មោះ អ៊ីវ លឿ ត្រូវបានអគ្គិភ័យឆាបឆេះទាំងស្រុងសល់តែផេះផង់ខណ:ពេលដែលម្ចាស់ផ្ទះមិននៅ។ហេតុការណ៍នេះបានកើតឡើងកាលពីវេលាម៉ោងប្រមាណជា១៥និង១៥នាទីរសៀលថ្ងៃទី១១ ខែមករា ឆ្នាំ២០១៧ ស្ថិតក្នុងភូមិត្រពាំងព្រៃ ស្រុកថាឡាបរិវ៉ាត់ ខេត្តស្ទឹងត្រែង។
ចំពោះហេតុការណ៍ខាងលើនេះបើតាមសម្តីអ្នករស់នៅក្បែរខាងបាននិយាយថា មូលហេតុដែលបណ្តាលឲ្យមានភ្លើងឆាបឆេះផ្ទះនោះគឺអាចមកពីទុស្សេខ្សែភ្លើងព្រោះថាគេបានឃើញកូនរបស់គាត់យកទូរសព្ទដោតសាកចោលដោយមិនមានអ្នកនៅមើល។
ខណ:ពេលនោះដែរឪពុកក៍មិនបាននៅផ្ទះព្រោះជាប់ទៅធ្វើការស្របពេលដែលគ្រួសារគាត់ទៅស៊ីឈ្នួលគេផងនោះ កូនៗក៍មិន
បានប្រុងប្រយ័ត្នទើបធ្វើឲ្យទុស្សេខ្សែភ្លើងធ្វើឲ្យកើតចេញជាផ្កាភ្លើងឆាប់ឆេះរាលដាលពេញក្នុងផ្ទះយ៉ាងសន្ធោសន្ធៅ ភ្លាមនោះបងប្អូនដែលរស់នៅក្បែរខាងបានក្រឡេកឃើញក៍នាំគ្នាស្ទុះស្ទាររត់ទៅជួយពន្លត់ និង ជួយជញ្ជូនអ៊ីវ៉ាន់ ប៉ុន្តែជាអកុសលភ្លើងបានឆាប់ឆេះអស់ស្ទើរតែទាំងស្រុកពួកគាត់ជញ្ជូនបានស្រូវអង្ករមួយចំនួនដែលទុកនៅក្រោមផ្ទះតែប៉ុណ្ណោះ។
លោក សែម ស៊ីថា អធិការស្រុកថាឡាបរិវ៉ាត់បានប្រាប់ Post Newsថា ករណីឆេះផ្ទះឈើខាងលើនេះយើងនៅមិនទាន់ដឹង
ពីមូលហេតុដំបូងកើតឡើងដោយសារអ្វីឲ្យពិតប្រាកដនោះទេ។លោកបន្តថា ម្ចាស់ផ្ទះឈ្មោះ អ៊ីវ លឿ មានតួរនាទីជាមន្ត្រីនគរបាលដែលមានឋាន:វរសេនីយ៍ត្រី មុខងារ អធិការរងស្រុកថាឡាបរិវ៉ាត់ ខេត្តស្ទឹងត្រែង។បច្ចុប្បន្ន ផ្ទះឈើខាងលើត្រូវអគ្គិភ័យលេបត្របាក់រលាយអស់ នៅសល់តែផេះផង់តែប៉ុណ្ណោះ៕
មតិយោបល់