(បន្ទាយមានជ័យ)៖​ មុខសញ្ញាចែកចាយថ្នាំញៀនដ៏សកម្មចំនួនពីរនាក់ត្រូវបានចាប់ខ្លួនហើយដកហូតថ្នាំញៀនបានជិត៤០០គ្រាប់។​ករណីឃាត់ខ្លួនធ្វើឡើងកាលពីវេលាម៉ោងប្រមាណជិត៨យប់ថ្ងៃទី០២ខែមេសាឆ្នាំ២០១៦នៅចំនុចភូមិវត្តចាស់ឃុំនិងស្រុកម៉ាឡៃខេត្តបន្ទាយមានជ័យ។​      

សមត្ថកិច្ចបាននិយាយថា​ជនសង្ស័យទាំងពីរនាក់មានឈ្មោះ​ ១-ហុក​ សុឃីម​ ភេទប្រុស​ អាយុ​​ ២៧ឆ្នាំរស់នៅចំនុចចាប់ខ្លួនខាងលើ​ ២-​ ទួន​ រឿ​ ភេទស្រី​ អាយុ​ ៤៣ឆ្មាំរស់នៅក្នុងភូមិកណ្តាលឃុំ-ស្រុកម៉ាឡៃ​ ខេត្តបន្ទាយមានជ័យ។​

      ក្រោយឃាត់ខ្លួនកម្លាំងសមត្ថកិច្ចបានដកហូតថ្នាំញៀនប្រភេទមេតំហ្វេតាមីនគ្រាប់ចំនួន៣៩៤គ្រាប់។បច្ចុប្បន្ន​ជនសង្ស័យទាំងពីរនាក់កំពុងស្ថិតក្រោមការសាកសួរពីមន្រ្តីជំនាញនៃស្នងការនគរបាលខេត្តបន្ទាយមានជ័យ។