ភ្នំពេញ: យុទ្ធនាការប្រយុទ្ធប្រឆាំង គ្រឿងញៀនខុសច្បាប់ទូទាំងប្រទេស សម្រាប់ថ្ងៃទី០៩ ខែមិនា ឆ្នាំ២០១៧ បានបង្ហាញថា កម្លាំងសមត្ថកិច្ចបានបង្ក្រាប បទល្មើសគ្រឿង​ញៀន​២៦ករណី ឃាត់មនុស្ស ៥៦នាក់ក្នុងនោះស្រី៤នាក់ នេះបើយោងតាមលទ្ធផលផ្លូវការ នៃការបង្ក្រាបករណីគ្រឿងញៀន របស់លេខាធិការដ្ឋាន នៃយុទ្ធនាការប្រយុទ្ធប្រឆាំង គ្រឿងញៀនខុសច្បាប់ លើកទី១។

ក្នុងប្រតិបត្តិការបង្ក្រាបគ្រឿងញៀននៅថ្ងៃទី០៩ ខែមិនា ឆ្នាំ២០១៧ មានមុខសញ្ញាជួញដូរគ្រឿងញៀន ១៥ករណី ឃាត់ ២៧នាក់ ក្នុងនោះមានស្រី០២នាក់ និងមុខសញ្ញាប្រើប្រាស់គ្រឿង​ញៀន​ ១១ករណី ឃាត់ ២៩នាក់ ក្នុងនោះមានស្រី០២នាក់និងរួមទាំងវត្ថុតាង មានមេតំហ្វេតាមីន (ice)= ២៩,១១ក្រាម និង៦៩កញ្ចប់តូច និងមេតំហ្វេតាមីន (wy)= ១២,០៦ក្រាម។

លទ្ធផលដែលបង្ក្រាប់ហើយឃាត់ខ្លួនជនសង្ស័យប្រុសស្រីទាំង៥៦នាក់ និងវត្ថុតាង១ចំនួន មានការចូលរួម ៩អង្គភាព ៖ ១.មន្ទី ២.បន្ទាយមានជ័យ ៣.បាត់ដំបង ៤.កំពត ៥.មណ្ឌលគីរី ៦.សៀមរាប ៧.ស្ទឹងត្រែង ៨.ត្បូងឃ្មុំ ៩.រាជធានីភ្នំពេញ៕