ព្រះសីហនុ: រថយន្តមួយគ្រឿងម៉ាកសាំងយ៉ុង ពណ៌សំបកឪឡឹក ពាក់ស្លាកលេខ ភំ្នពេញ 2R-0528 បើកបរក្នុងទិសដៅពីខេត្តព្រះសីហនុ ទៅភំ្នពេញ បានបុកក្របី៣ក្បាលដែលដើរឆ្លងផ្លូវជាតិលេខ៤ នៅចន្លោះគីឡូម៉ែត្រលេខ១៥១-១៥២ ក្នុងភូមិ-ឃុំសឹ្ទងឆាយ ស្រុកកំពង់សិលា កាលពីម៉ោងជាង៧យប់ថ្ងៃ៩ ខែមិនា ឆ្នាំ២០១៧នេះ។
សមត្ថកិច្ចអោយដឹងថា ហេតុការណ៍នេះបណ្តាលអោយអ្នកបើកបរឈ្មោះ សំ សុភ័ក្រ ភេទប្រុស អាយុ២៣ឆ្នាំ មានទីលំនៅភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង និងអ្នករួមដំណើរម្នាក់ទៀត ឈ្មោះ ខម ឆៃ ភេទប្រុស អាយុ ២៣ឆ្នាំ មានទីលំនៅភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង រងរបួសស្រាលដូចគ្នា រីឯសត្វក្របីងាប់ទាំងបីក្បាល។
បច្ចុប្បន្នរថយន្ត និងសត្វក្របីខាងលើយកទៅរក្សាទុកនៅអធិការដ្ឋាននគរបាលស្រុកកំពង់សិលាដើម្បីចាត់ចែកតាមនិតីវិធី៕
មតិយោបល់