ភ្នំពេញ: ជនបរទេស៣នាក់ជិះរថយន្តមកធ្វើសកម្មភាពគាស់ផ្ទះប្រជាពលរដ្ឋលួចយកគ្រឿងអលង្ការ និងលុយសរុបអស់ជាង៣ម៉ឺនដុល្លារពេលចេញមកវិញត្រូវបានម្ចាស់ផ្ទះមកទាន់ហើយបានរត់ឡើងជិះរថយន្តបក្សពួក គេចខ្លួនដោយសុវត្តិភាព។

ហេតុការណ៍នេះបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី២១ ខែមិនា ឆ្នាំ២០១៧ នៅចំណុចវីឡាភ្លោះលេខ៤៧ ផ្លូវ១A ក្នុងបុរីពិភពថ្មី ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ ។

ភ្នាក់ងារ Post News បានឲ្យដឹងថា ម្ចាស់ផ្ទះដែលរងគ្រោះឈ្មោះ ម៉េង វ៉ាន់លី ភេទស្រី អាយុ៣៥ឆ្នាំ មុខរបរលក់គ្រឿងអលង្ការនៅផ្សាររតនាផ្លាហ្សា ស្នាក់នៅវីឡាភ្លោះលេខ៤៧ ផ្លូវ១A ក្នុងបុរីពិភពថ្មី ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ និងមានស្រុកកំណើតនៅភូមិដាស់ស្ករ ឃុំបឹងសាលាខាងជើង ស្រុកកំពង់ត្រាច ខេត្តកំពត ។

ប្រភពពីភ្នាក់ងារបន្តថា តាមសំដីម្ចាស់ផ្ទះខាងលើបានប្រាប់ថាមុនកើតហេតុគាត់បានចេញពីផ្ទះយកឯកសារទៅដាក់នៅសាលាខណ្ឌទួលគោកក្រោយមកគាត់បានជិះម៉ូតូកង់បីត្រឡប់មកផ្ទះវិញខណះមកដល់មុខផ្ទះឱនចាក់សោររបងស្រាប់តែឃើញជនបរទេស២នាក់លោតផ្លោះរបងចេញពីផ្ទះគាត់ទៅផ្ទះម្ខាងទៀត ។ ពេលនោះគាត់ស្មានតែសមត្ថកិច្ចដេញចាប់ពួកជនជាតិក៍ចូលដល់ក្នុងផ្ទះឃើញចម្រឹងបង្អួចរបើកគាត់ក៍ចេញមកវិញស្រែកចោរៗហើយជនសង្ស័យក៍រត់ឡើងរថយន្តបក្សពួកម៉ាកកាមរីឆ្លាមពណ៌ខ្មៅមិនមានស្លាកលេខដែលបញ្ឆេះចាំស្រាប់ពេលនោះមានសន្តិសុខក្នុងបូរីបានឃើញ និងវាយរថយន្តខាងលើមួយដៃបែកកញ្ចក់ទ្វាមុខខាងឆ្វេងហើយបោះដៃតៗគ្នាឲ្យបិតប៉ារ៉ាស់ខាងមុខតែរថយន្តខាងលើបើកបុកប៉ារ៉ាស់ហើយកេចខ្លួនដោយសុវត្តិភាព ។

ប្រភពដដែលបានបន្តថា តាមសំដីសន្តិសុខដែលកំពុងឈរយាមក្បែរគោលដៅខាងលើបានប្រាប់ថានៅមុនកើតហេតុខណ:គាត់កំពុងដើរល្បាតស្រាប់តែឃើញ ជនបរទេស២នាក់រត់ចេញពីផ្ទះខាងលើឡើងមកជិះរថយន្តដោយមានស្រែកចោរៗផងពេលនោះគាត់បានព្យាយាមចេញកាក់រថយន្តខាងលើប៉ុន្តែអ្នកបើកមិនព្រមឈប់គាត់ក៍យកដៃទៅវាយកញ្ចក់ជំហៀងខាងឆ្វេងមួយដៃបណ្តាលឲ្យបែក និងបានបោះដៃឲ្យ សន្តិសុខដែលយាមច្រកចេញទាញប៉ារ៉ាស់បិទតែត្រូវបានជនសង្ស័យបើកបំបុកប៉ារ៉ាត់ហើយគេចខ្លួនដោយសុវត្ថិភាព ។

តាមការបញ្ជាក់របស់ស្ត្រីម្នាស់ផ្ទះបានប្រាប់ថាសម្ភារ:ដែលក្រុមជនសង្ស័យកកាយលួចនោះមានខ្សែកមាស គ្រឿងពេជ្រ និងលុយដែលសរុបប្រមាណជាង៣ម៉ឺនដុល្លារ ។ ក្រោយកើតហេតុសមត្ថកិច្ចមូលដ្ឋានបានត្រឹមចុះមកសាកសួរ និងទទួលបណ្តឹងនៅផ្ទះកើតហេតុតែម្តង ។

ប្រជាពលរដ្ឋសម្តែងក្តីព្រួយបារម្ភ ដោយសារមួយរយ:ពេលចុងក្រោយនេះមានករណីអសន្តិសុខជាច្រើនកើតឡើងដែលក្រុមជនល្មើស បានធ្វើសកម្មភាពយ៉ាងកក្រើកមិនញញើតសមត្ថកិច្ចសោះ ចំពោះករណីចោរកម្ម គាស់ផ្ទះ ឆក់ និងកាច់កម៉ូតូវិញ កើតឡើងក្នុងមួយថ្ងៃ២ដងក៍មាន ជនសង្ស័យបន្តធ្វើសកម្មភាពជាប់ៗគ្នាទៀតផង ហើយជនល្មើសក្រោយធ្វើសកម្មភាពហើយអាចគេចខ្លួនដោយសុវត្ថិភាព ៕