ភ្នំពេញ: យុទ្ធនាការប្រយុទ្ធប្រឆាំង គ្រឿងញៀនខុសច្បាប់ទូទាំងប្រទេស សម្រាប់ថ្ងៃទី២២ ខែមីនា ឆ្នាំ២០១៧ បានបង្ហាញថា កម្លាំងសមត្ថកិច្ចបានបង្ក្រាប បទល្មើសគ្រឿង​ញៀន​២២ករណី ឃាត់មនុស្ស ៤៧នាក់ក្នុងនោះស្រី៦នាក់ នេះបើយោងតាមលទ្ធផលផ្លូវការនៃការបង្ក្រាបករណីគ្រឿងញៀន របស់លេខាធិការដ្ឋាន នៃយុទ្ធនាការប្រយុទ្ធប្រឆាំង គ្រឿងញៀនខុសច្បាប់ លើកទី១។

ក្នុងប្រតិបត្តិការបង្ក្រាបគ្រឿងញៀននៅថ្ងៃទី២២ ខែមីនា ឆ្នាំ២០១៧ មានមុខសញ្ញាជួញដូរគ្រឿងញៀន ១៨ករណី ឃាត់ ៣៧នាក់ ក្នុងនោះមានស្រី០៦នាក់ និងមុខសញ្ញាប្រើប្រាស់គ្រឿង​ញៀន​ ៤ករណី ឃាត់ ១០នាក់ រួមទាំងវត្ថុតាងមាន មេតំហ្វេតាមីន (ice)= ៧,៨ក្រាម និង៧០កញ្ចប់តូច។

លទ្ធផលដែលបង្ក្រាប់ហើយឃាត់ខ្លួនជនសង្ស័យប្រុសស្រីទាំង៤៧នាក់ និងវត្ថុតាង១ចំនួននេះ មានការចូលរួម ១០អង្គភាព៖ ១.បន្ទាយមានជ័យ ២.បាត់ដំបង ៣.កំពង់ឆ្នាំង ៤.កណ្ដាល ៥.ព្រៃវែង ៦.ពោធ៍សាត់ ៧.សៀមរាប ៨.ព្រះសីហនុ ៩.ត្បូងឃ្មុំ ១០.រាជធានីភ្នំពេញ៕