ព្រៃវែង: លោកអធិការស្រុកកំពង់ត្របែកបានប្រាប់ Post News ថា កាលពីវេលាម៉ោង២និង១០រសៀលថ្ងៃទី២៤ ខែមីនា ឆ្នាំ២០១៧ នៅចំនុចភូមិតាហ ឃុំថ្កូវ ស្រុកកំពង់ត្របែក ខេត្តព្រៃវែង មានករណីអគ្គីភ័យឆាបឆេះផ្ទះអស់ចំនួន២ផ្ទះស្មើ២ខ្នងឆេះទាំស្រុង ម្ចាស់ផ្ទះទី១មានឈ្មោះ ពៅ រឹម ភេទប្រុស អាយុ៤៦ឆ្នាំ ផ្ទះទំហំ៦ម×១០ម,ម៉ូតូ២គ្រឿងម៉ាកHONDA,កង់១,លុយដុល្លារ២៥០០ដុល្លារ,លុយខ្មែរ២.៥០០.០០០៛,ស្រូវ៥តោន និងសម្ភារៈខោអាវ ។ ម្ចាស់ផ្ទះទី២មានឈ្មោះ ឃឹម ហ៊ុន ភេទស្រី អាយុ៧៨ឆ្នាំ ផ្ទះតៀម ទំហំ៥ម×៨ម,ម៉ាស៊ីនដេរ២គ្រឿង,ស្រូវ២តោន និងសម្ភារៈមួយចំនួនទៀត ។ រីឯមនុស្សពុំមានរងរបួសនោះទេ សរុបទំហំខូចខាតទាំងអស់ប្រហែល៤១.០០០.០០០៛ ។ ដែលមូលហេតុមកពី ផ្ទុះកាំជ្រូច (ផ្ទះផលិតកាំជ្រូច) ។ ក្នុងនោះសមត្ថកិច្ច និងរថយន្តពន្លត់អគ្គិភ័យ បានខិតខំជួយពន្លត់យ៉ាងសស្រាក់សស្រាំដើម្បីការពារផលប្រយោជន៍និងសុខសុវត្ថិភាពរបស់ប្រជាពលរដ្ឋដែលរស់នៅក្នុងមូលដ្ឋាន ។