ប៉ៃលិន: ភ្នាក់ងារPost Newsបានឲ្យដឹងថា កាលពីវេលាម៉ោង១០និង០០នាទីព្រឹកថ្ងៃទី២៨ ខែមីនា ឆ្នាំ២០១៧ កំលាំងនគរបាលនៃអធិការដ្ឋាននគរបាលស្រុកសាលាក្រៅ បានសហការជាមួយប៉ុស្តិ៍នគរបាលរដ្ឋបាលឃុំ អូរអណ្ដូង និងកំលាំងប្រជាការពារភូមិ បានធ្វើការចុះបង្ក្រាបករណីដាំដុះកញ្ឆា មួយកន្លែង នៅចំណុចវាលចែង ស្ថិតក្នុងភូមិអូរ៧៥ ឃុំអូរអណ្តូង ស្រុកសាលាក្រៅ ខេត្តប៉ៃលិន ។

បើតាមសមត្ថកិច្ចបានឲ្យដឹងថា ជនសង្ស័យដែលដាំដុះកញ្ឆានៅផ្ទះ មានឈ្មោះ មៀល ប៉ុន ភេទប្រុស អាយុ៥៤ឆ្នាំ រស់នៅកន្លែងកើតហេតុខាងលើ ហើយសមត្ថកិច្ចដកហូតបាន បំពង់សំរាប់ជក់កញ្ឆាចំនួន ២ កាំបិតហាន់កញ្ឆាចំនួន ១ ជ្រុញហាន់កញ្ឆាចំនួន ១ កញ្ឆាក្រៀមចំនួន ៣ដើម និងកញ្ឆាស្រស់ដើមធំចំនួន ១៧ដើម កូនកញ្ឆាតូចៗ ចំនួន ៦៩ដើម សរុបទាំងអស់ចំនួន ៨៦ដើម ។

បច្ចប្បន្នសមត្ថកិច្ច នៃអធិការដ្ឋាននគរបាលស្រុកសាលាក្រៅ បានបញ្ជូនជនសង្ស័យ រួមទាំងវត្ថុតាងបញ្ជូនទៅស្នងការដ្ឋាននគរបាលខេត្តប៉ៃលិន ដើម្បីចាត់ការទៅតាមនីតិវិធីច្បាប់ ៕