កណ្តាល: ជនសង្សយ័ម្នាក់ ជាមុខសញ្ញាធ្លាប់ប្រើប្រាស់គ្រឿងញៀន អស់រយៈពេលជិត០៣ ឆ្នាំមកហើយ ត្រូវបានកម្លាំងផ្នែកប្រឆាំងគ្រឿងញៀន សហការជាមួយកម្លាំងពិនិត្យវិភាគក្រុងតាខ្មៅ ចុះល្បាតតាមភូមិសាស្ត្រ ក៏ជួបជនសង្ស័យ ទើបធ្វើការឃាត់ខ្លួន និងឆែកឆេររកឃើញថ្នាំញៀន០១កញ្ចប់ នៅជាប់ខ្លួន។
ហេតុការណ៍នេះ បានកើតឡើងកាលពីវេលាម៉ោង២០ និង២១នាទីថ្ងៃទី២០ ខែឧសភា ឆ្នាំ២០១៧ នៅចំណុចមុខសាលាអនុវិទ្យាល័យអនុវត្ត ស្ថិតក្នុងភូមិព្រែកសំរោង២ សង្កាត់តាខ្មៅក្រុងតាខ្មៅ ខេត្តកណ្តាល ។
បើតាមនគរបាលក្រុងតាខ្មៅ បានប្រាប់ឲ្យដឹងថា ជនសង្ស័យឈ្មោះ ឈៀ សីហ័ស្ត អាយុ២៤ឆ្នាំ ជនជាតិខ្មែរ មានទីលំនៅបច្ចុប្បន្ន ភូមិខ្ពបវែង សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ មិនពិតប្រាកដ ។
វត្ថុតាងចាប់យករួមមាន ម្ស៉ៅក្រាមពណ៌ស សង្ស័យជាសារធាតុញៀនចំនួន០១កញ្ចប់តូច ។
នគរបាលក្រុងតាខ្មៅ បានឲ្យដឹងបន្ថែមទៀតថា នៅថ្ងៃ ខែ ឆ្នាំ វេលាម៉ោងកើតហេតុខាងលើ កម្លាំងផ្នែកប្រឆាំងគ្រឿងញៀន សហការជាមួយកម្លាំងពិនិត្យវិភាគក្រុងតាខ្មៅ បានចុះល្បាតក្នុងភូមិសាស្រ្តតាមដងផ្លូវ ក៏ប្រទះឃើញជនសង្ស័យ កំពុងតែឈរនៅមុខសាលាអនុវិទ្យាល័យអនុវត្ត ដោយមានការសង្ស័យកម្លាំងរបស់យើង ក៏បានធ្វើការសួរនាំ ហើយត្រួតពិនិត្យទៅលើខ្លួនជនសង្ស័យខាងលើ ក៏បានរកឃើញថ្នាំញៀនចំនួន០១ កញ្ចប់តូច នៅក្នុងកញ្ចប់បារី ទុកក្នុងហោប៉ៅខោខាងស្តាំ ឃើញដូចនោះ កម្លាំងសមត្ថកិច្ចក្រុងតាខ្មៅយើង ក៏ធ្វើការឃាត់ខ្លួនមកកាន់អធិការដ្ឋាននគរបាលក្រុងតាខ្មៅ ដើម្បីចាត់ការតាមនិតិវិធីច្បាប់ ។
ក្រោយពីការសាកសួររបស់សមត្ថកិច្ច ជនសង្ស័យ បានឆ្លើយសារភាពថា ថ្នាំញៀនខាងលើ ខ្លួនបានសុំពីឈ្មោះ ស្តា ភេទប្រុស អាយុ ១៩ឆ្នាំ ក្នុងគោបំណងយកទៅប្រើប្រាស់ ។ កន្លងមកឈ្មោះ ឈៀ សីហ័ស្តធ្លាប់បានប្រើប្រាស់ថ្នាំញៀនអស់រយៈពេល ៣ឆ្នាំមកហើយ ចំពោះករណី លួច ឆក់ ប្លន់ និងអំពើហឹង្សា វិញ ខ្លួនមិនធ្លាប់បានប្រព្រឹត្តឡើយ៕
មតិយោបល់